തിരുവനന്തപുരം: വഞ്ചിയൂരിലെ മൊബൈൽ റീചാർജ് കടയുടെ വാതിൽ കുത്തിപ്പൊളിച്ച് പണവും മൊബൈൽ ഫോണുകളും മോഷ്ടിച്ച പ്രതിയെ പൊലീസ് പിടികൂടി. തമിഴ്നാട് കല്ലടിക്കുറിശ്ശി സ്വദേശി ആനന്ദ് രാജ് (35) നെയാണ് വഞ്ചിയൂർ പൊലീസ് അറസ്റ്റ് ചെയ്തത്. കഴിഞ്ഞ നാലിന് രാത്രിയാണ് മോഷണം നടന്നത്.
വഞ്ചിയൂർ സ്വദേശി ശ്രീകുമാരൻ നായരുടെ സൻവീൻ എന്ന മൊബൈൽ ഫോൺ റീചാർജ്-ഫോട്ടോസ്റ്റാറ്റ് കടയുടെ വാതിൽ പൂട്ട് പൊളിച്ചുകയറിയ പ്രതി മൂന്ന് മൊബൈൽ ഫോണുകളും 6500/ രൂപയും വിൽപനക്കായി െവച്ചിരുന്ന മാസ്ക്കുകളും മോഷ്ടിക്കുകയായിരുന്നു.
വഞ്ചിയൂർ എസ്.എച്ച്.ഒ രഗീഷ് കുമാർ, എസ്.ഐമാരായ പ്രജീഷ് കുമാർ, മനോജ്, ജസ്റ്റിൻ മോസസ്, എ.എസ്.ഐ സുരേഷ്, സി.പി.ഒമാരായ ജിജോ, ശ്രീകാന്ത്, രാഹുൽ എന്നിവരടങ്ങിയ പൊലീസ് സംഘമാണ് അന്വേഷണത്തിനും അറസ്റ്റിനും നേതൃത്വം നൽകിയത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.