ഇടിഞ്ഞാറിൽ സ്കൂൾ വിദ്യാർഥികളെ വീണ്ടും കാട്ടാന ഓടിച്ചു

പാ​ലോ​ട്: പ​ഠ​നം ക​ഴി​ഞ്ഞ്​ വീ​ട്ടി​ലേ​ക്ക് പോ​യ ഇ​ടി​ഞ്ഞാ​ർ ട്രൈ​ബ​ൽ സ്കൂ​ളി​ലെ വി​ദ്യാ​ർ​ഥി​ക​ളെ കാ​ട്ടാ​ന ഓ​ടി​ച്ചു. ഇ​ടി​ഞ്ഞാ​ർ ചെ​ന്നെ​ല്ലി​മൂ​ട്ടി​ലാ​യി​രു​ന്നു സം​ഭ​വം. കാ​ന​ന പാ​ത​ക​ളി​ൽ കാ​ട്ടു മൃ​ഗ​ങ്ങ​ളു​ടെ സാ​ന്നി​ധ്യ​മു​ണ്ടാ​കാ​നു​ള്ള സാ​ധ്യ​ത മു​ന്നി​ൽ ക​ണ്ട് കൂ​ട്ട​മാ​യാ​ണ് വി​ദ്യാ​ർ​ഥി​ക​ൾ കാ​ൽ​ന​ട​യാ​യി വീ​ടു​ക​ളി​ലേ​ക്ക് മ​ട​ങ്ങു​ന്ന​ത്. അ​പ്ര​തീ​ക്ഷി​ത​മാ​യി മു​ന്നി​ൽ​പെ​ട്ട ആ​ന​യെ ക​ണ്ട് കു​ട്ടി​ക​ൾ പി​ന്തി​രി​​ഞ്ഞോ​ടി. സ്കൂ​ളി​ൽ തി​രി​ച്ചെ​ത്തി അ​ധ്യാ​പ​ക​രോ​ടും നാ​ട്ടു​കാ​രോ​ടും വി​വ​രം ധ​രി​പ്പി​ച്ചു. അ​വ​ർ കൂ​ട്ട​മാ​യി ആ​ന​യെ കാ​ട്ടി​ലേ​ക്ക് ഓ​ടി​ച്ചു​വി​ടു​ക​യാ​യി​രു​ന്നു. പി​ന്നീ​ട്, കു​ട്ടി​ക​ളെ സ്വ​കാ​ര്യ വാ​ഹ​ന​ങ്ങ​ളി​ൽ വീ​ടു​ക​ളി​ൽ കൊ​ണ്ടെ​ത്തി​ച്ചു.

ക​ഴി​ഞ്ഞ ദി​വ​സം ഇ​തേ സ്ഥ​ല​ത്തു​വെ​ച്ച്​ അ​ഞ്ച്​ വി​ദ്യാ​ർ​ഥി​ക​ളെ കാ​ട്ടാ​ന ഓ​ടി​ച്ചി​രു​ന്നു. ഇ​തേ പാ​ത​യി​ൽ മ​ക​ളു​മാ​യി കാ​ൽ​ന​ട​യാ​യി പോ​കു​ക​യാ​യി​രു​ന്ന അ​ച്ഛ​നെ കാ​ട്ടു​പോ​ത്ത് ആ​ക്ര​മി​ച്ചി​ട്ടും അ​ധി​കം ദി​വ​സ​മാ​യി​ല്ല.

വ​ന്യ​മൃ​ഗ ശ​ല്യ​മു​ള്ള മേ​ഖ​ല​ക​ളി​ൽ ആ​ദി​വാ​സി വി​ദ്യാ​ർ​ഥി​ക​ളെ വാ​ഹ​ന​ങ്ങ​ളി​ൽ പ​ള്ളി​ക്കൂ​ട​ത്തി​ലും തി​രി​ച്ച് വീ​ട്ടി​ലു​മെ​ത്തി​ക്കു​ന്ന​തി​നു​ള്ള ഗോ​ത്ര​സാ​ര​ഥി പ​ദ്ധ​തി ആ​വി​ഷ്ക​രി​ച്ചി​രു​ന്നു. സ്കൂ​ൾ തു​റ​ന്ന് ഒ​രാ​ഴ്​​ച​യാ​യി​ട്ടും ഗോ​ത്ര സാ​ര​ഥി ആ​രം​ഭി​ച്ചി​ല്ല. ക​ഴി​ഞ്ഞ വ​ർ​ഷ​ങ്ങ​ളി​ൽ പ​ട്ടി​ക വ​ർ​ഗ വ​കു​പ്പ് നേ​രി​ട്ട് ന​ട​ത്തി​യി​രു​ന്ന പ​ദ്ധ​തി​യു​ടെ ഇ​പ്പോ​ഴ​ത്തെ ചു​മ​ത​ല ഗ്രാ​മ​പ​ഞ്ചാ​യ​ത്തു​ക​ൾ​ക്കാ​ണ്.

വ​ന​ത്തി​നു​ള്ളി​ൽ ആ​ഹാ​ര​വും വെ​ള്ള​വും കു​റ​ഞ്ഞ​തു കാ​ര​ണ​മാ​ണ് കാ​ട്ടു മൃ​ഗ​ങ്ങ​ൾ നാ​ട്ടി​ലി​റ​ങ്ങു​ന്ന​ത്. മു​ൻ കാ​ല​ങ്ങ​ളി​ൽ ഇ​ത്ത​രം പ്ര​ശ്‌​ന​ങ്ങ​ളു​ണ്ടാ​കു​മ്പോ​ൾ താ​ൽ​ക്കാ​ലി​ക കു​ള​ങ്ങ​ൾ നി​ർ​മി​ച്ച്​ മൃ​ഗ​ങ്ങ​ൾ​ക്ക് വെ​ള്ളം ഒ​രു​ക്കു​മാ​യി​രു​ന്നു. ഇ​ത്ത​രം സം​ഭ​വ​ങ്ങ​ൾ തു​ട​ർ​ച്ച​യാ​യി ഉ​ണ്ടാ​യി​ട്ടും വ​നം വ​കു​പ്പ് ഉ​ദ്യോ​ഗ​സ്ഥ​ർ അ​റി​ഞ്ഞ ഭാ​വം ന​ടി​ക്കു​ന്നി​ല്ല എ​ന്ന് നാ​ട്ടു​കാ​ർ പ​രാ​തി​പ്പെ​ടു​ന്നു.