നായയുടെ കടിയേറ്റ്​ കുട്ടികളടക്കം ഏഴുപേർക്ക് പരിക്ക്

ക​ഴ​ക്കൂ​ട്ടം: ചെ​മ്പ​ഴ​ന്തി ആ​ന​ന്ദേ​ശ്വ​ര​ത്ത് നാ​യ​യു​ടെ ക​ടി​യേ​റ്റ്​ കു​ട്ടി​ക​ള​ട​ക്കം ഏ​ഴു​പേ​ർ​ക്ക് പ​രി​ക്ക്.​ആ​ന​ന്ദേ​ശ്വ​രം സ്വ​ദേ​ശി​ക​ളാ​യ ഓ​മ​ന (65), ബി​നു (51),ര​മ്യ (38),റ​ജീ​ന (35) ശി​വ​കാ​ശ്(15 ) നും ​ര​ണ്ടു കു​ട്ടി​ക​ൾ​ക്കും ക​ടി​യേ​റ്റു.​മൂ​ന്ന് പേ​ർ മെ​ഡി​ക്ക​ൽ കോ​ള​ജി​ലും ഒ​രാ​ൾ പാ​ങ്ങ​പ്പാ​റ ഹെ​ൽ​ത്ത് സെ​ന്‍റ​റി​ലും മ​റ്റു​ള്ള​വ​ർ സ്വ​കാ​ര്യ ആ​ശു​പ​ത്രി​യി​ലും ചി​കി​ത്സ തേ​ടി. ബു​ധ​നാ​ഴ്ച രാ​വി​ലെ ഏ​ഴു മ​ണി​യോ​ടെ പാ​ലു​വാ​ങ്ങാ​ൻ പോ​യ റ​ജീ​ന​യെ​യാ​ണ് നാ​യ ആ​ദ്യം ക​ടി​ച്ച​ത്.

തു​ട​ർ​ന്ന് വീ​ടി​ന്​ സ​മീ​പ​ത്തു​നി​ന്ന ര​മ്യ ,ശി​വ​കാ​ശ് ,ഓ​മ​ന എ​ന്നി​വ​രു​ടെ കാ​ലി​ലും സ്കൂ​ട്ട​റി​ൽ വീ​ട്ടി​ലേ​ക്ക് പോ​കു​ക​യാ​യി​രു​ന്ന ബി​നു​വി​ന്‍റെ വ​ല​തു കൈ​യി​ലും ആ​ന​ന്ദേ​ശ്വ​ര​ത്ത് ജ​ങ്​​ഷ​ന് സ​മീ​പ​ത്ത് നി​ന്ന ര​ണ്ടു​കു​ട്ടി​ക​ൾ​ക്കും നാ​യ​യു​ടെ ക​ടി​യേ​റ്റു. ആ​ന​ന്ദേ​ശ്വ​രം, പു​ളി​യ​ർ​ത്ത​ല, ഇ​ട​ത്ത​റ,പൗ​ർ​ണ​മി ഗാ​ർ​ഡ​ൻ​സ് പ്ര​ദേ​ശ​ത്തെ വ​ള​ർ​ത്തു​മൃ​ഗ​ങ്ങ​ളെ​യും നി​ര​വ​ധി തെ​രു​വു​നാ​യ്ക്ക​ളെ​യും ക​ടി​ച്ചു. പു​ളി​യ​ർ​ത്ത​ല സ്വ​ദേ​ശി മു​ര​ളീ​ധ​ര​ൻ നാ​യ​രു​ടെ വീ​ട്ടി​ലെ കെ​ട്ടി​യി​ടാ​തെ വ​ള​ർ​ത്തു​ന്ന നാ​യ​യാ​ണ് ക​ടി​ച്ച​തെ​ന്ന്​ നാ​ട്ടു​കാ​ർ പ​റ​യു​ന്നു.