ജലഅതോറിറ്റിയുടെ അറ്റകുറ്റപ്പണി: റോഡുകൾ തകരുന്നു

കാ​ട്ടാ​ക്ക​ട: മാ​സ​ങ്ങ​ൾ​ക്ക് മു​മ്പ് ആ​ധു​നി​ക രീ​തി​യി​ൽ ന​വീ​ക​രി​ച്ച കാ​ട്ടാ​ക്ക​ട-​ക​ട്ട​യ്ക്കോ​ട്-​വി​ള​പ്പി​ൽ​ശാ​ല റോ​ഡ്​ മു​ഴു​വ​ൻ ജ​ല അ​തോ​റി​റ്റി കു​ഴി​ച്ച് ന​ശി​പ്പി​ച്ചു. ഇ​തോ​ടെ ഇ​തു​വ​ഴി​യു​ള്ള യാ​ത്ര വീ​ണ്ടും ദു​രി​ത​മാ​യി. പ​ണി പൂ​ർ​ത്തി​യാ​യ ശേ​ഷം പ​ത്തി​ട​ത്ത്​ പൈ​പ്പ് അ​റ്റ​കു​റ്റ​പ്പ​ണി​ക്കാ​യി ​റോ​ഡ്​ കു​ഴി​ച്ച​ത് ഒ​രി​ട​ത്ത് പോ​ലും പൂ​ർ​വ​സ്ഥി​തി​യി​ൽ ആ​ക്കി​യി​ട്ടി​ല്ല. ക​ട്ട​യ്ക്കോ​ട്, കാ​രോ​ട്, വി​ള​പ്പി​ൽ​ശാ​ല എ​ന്നി​വി​ട​ങ്ങ​ളി​ൽ വ​ലു​പ്പ​മു​ള്ള കു​ഴി​ക​ളി​ൽ വീ​ണ്​ വാ​ഹ​ന​ങ്ങ​ൾ അ​പ​ക​ട​ത്തി​ൽ​പെ​ടു​ന്ന​തും പ​തി​വാ​യി.

മ​ഴ പെ​യ്താ​ല്‍ ഇ​വ​യി​ൽ വെ​ള്ളം കെ​ട്ടി​നി​ന്ന് റോ​ഡ് പൊ​ളി​യാ​നും സാ​ധ്യ​ത ഏ​റെ​യാ​ണ്. ക​ട്ട​യ്ക്കോ​ട് ജ​ങ്ഷ​ന് സ​മീ​പം അ​ഞ്ചാം​ത​വ​ണ​യാ​ണ് റോ​ഡ് കു​ഴി​ച്ച​ത്. ജ​ല​വി​ത​ര​ണ​പൈ​പ്പി​ലെ ത​ക​രാ​ർ പ​രി​ഹ​രി​ക്കാ​ൻ ആ​ധു​നി​ക രീ​തി​യി​ല്‍ ടാ​ര്‍ചെ​യ്ത റോ​ഡ് കു​ഴി​ക്കാ​ൻ പി​ക്കാ​സാ​ണ് തൊ​ഴി​ലാ​ളി​ക​ള്‍ ഉ​പ​യോ​ഗി​ക്കു​ന്ന​ത്. ഉ​ദ്യോ​ഗ​സ്ഥ​രാ​രും സ്ഥ​ല​ത്തു​ണ്ടാ​കാ​ത്ത​തി​നാ​ൽ തോ​ന്നി​യ​പ​ടി​യാ​ണ്​ പ്ര​വൃ​ത്തി.

പ​ണി ക​ഴി​ഞ്ഞാ​ൽ മ​ണ്ണി​ട്ട് മൂ​ടു​ന്ന റോ​ഡ് താ​മ​സി​യാ​തെ കു​ഴി​യാ​കും. റോ​ഡ് പ​ഴ​യ പ​ടി​യാ​ക്കാ​നു​ള്ള തു​ക പൊ​തു​മ​രാ​മ​ത്ത് വ​കു​പ്പി​ൽ അ​ട​ച്ചി​ട്ടാ​ണ് കു​ഴി​ക്കു​ന്ന​തെ​ന്ന് ജ​ല അ​തോ​റി​റ്റി അ​ധി​കൃ​ത​ർ പ​റ​യു​ന്നു. എ​ന്നാ​ൽ കോ​ടി​ക​ൾ ചെ​ല​വി​ട്ട് ബി.​എം.​ബി.​സി നി​ല​വാ​ര​ത്തി​ൽ പൂ​ർ​ത്തി​യാ​ക്കു​ന്ന റോ​ഡ് കു​ഴി​ക്കാ​നും അ​ത്യാ​വ​ശ്യ​ഘ​ട്ട​ത്തി​ൽ കു​ഴി​ക്കേ​ണ്ടി വ​ന്നാ​ൽ പൂ​ർ​വ​സ്ഥി​തി​യി​ലാ​ക്കാ​നും വ​കു​പ്പു​ക​ൾ​ക്ക് ഉ​ത്ത​ര​വാ​ദി​ത്തം ഇ​ല്ലേ എ​ന്ന ചോ​ദ്യ​മാ​ണ് ഉ​യ​രു​ന്ന​ത്. കി​ള്ളി-​ക​ട്ട​യ്ക്കോ​ട് റോ​ഡി​ല്‍ ചി​ല​യി​ട​ത്തും കു​ഴി​ച്ചി​ട്ടി​ട്ടു​ണ്ട്.