കണ്ടിട്ടും കാണാതെ അധികൃതർ; മാലിന്യം നിറഞ്ഞ്​ കാട്ടാക്കട മിനി സിവില്‍ സ്റ്റേഷൻ

കാ​ട്ടാ​ക്ക​ട: നാ​ടെ​ങ്ങും പ​രി​സ്ഥി​തി​ദി​നാ​ഘോ​ഷം ന​ട​ക്കു​മ്പോ​ള്‍ താ​ലൂ​ക്ക് ഓ​ഫി​സ് ഉ​ള്‍പ്പെ​ടെ നി​ര​വ​ധി സ​ര്‍ക്കാ​ര്‍ ഓ​ഫി​സു​ക​ള്‍ പ്ര​വ​ര്‍ത്തി​ക്കു​ന്ന കാ​ട്ടാ​ക്ക​ട മി​നി സി​വി​ല്‍ സ്റ്റേ​ഷ​നി​ല്‍ മാ​ലി​ന്യ​ക്കൂ​മ്പാ​രം. സി​വി​ല്‍ സ്റ്റേ​ഷ​നി​ലെ താ​ഴ​ത്തെ നി​ല ആ​ക്രി​സാ​ധ​ന​ങ്ങ​ളു​ടെ ശേ​ഖ​ര​വും പ്ലാ​സ്റ്റി​ക് ഉ​ള്‍പ്പെ​ടെ​യു​ള്ള മാ​ലി​ന്യ​വും കു​ന്നു​കൂ​ടി ച​ന്ത​ക്കു​സ​മാ​ന​മാ​ണ്.

കാ​ട്ടാ​ക്ക​ട താ​ലൂ​ക്ക് ഓ​ഫി​സ്, താ​ലൂ​ക്ക് സ​പ്ലൈ ഓ​ഫി​സ്, എം​പ്ലോ​യ്‌​മെ​ന്റ് എ​ക്സ്ചേ​ഞ്ച്, സ​ബ് ര​ജി​സ്റ്റ​ർ ഓ​ഫി​സ്, ഉ​ൾ​പ്പെ​ടെ​യു​ള്ള സ​ര്‍ക്കാ​ര്‍ ഓ​ഫി​സു​ക​ള്‍ പ്ര​വ​ര്‍ത്തി​ക്കു​ന്ന സി​വി​ല്‍ സ്റ്റേ​ഷ​നി​ലെ താ​ഴ​ത്തെ നി​ല​യി​ലാ​ണ് പ്ലാ​സ്റ്റി​ക് മാ​ലി​ന്യം കൂ​മ്പാ​ര​മാ​യ​ത്. ഇ​വി​ടെ മ​റ്റ് ആ​ക്രി​സാ​ധ​ന​ങ്ങ​ളും കൈ​യ​ട​ക്കി​യ​തോ​ടെ സി​വി​ല്‍ സ്റ്റേ​ഷ​നി​ലെ താ​ഴ​ത്തെ​നി​ല തീ​ര്‍ത്തും കു​പ്പ​ത്തൊ​ട്ടി​യാ​യി. ശോ​ച്യാ​വ​സ്ഥ നി​ര​വ​ധി​ത​വ​ണ നി​യ​മ​സ​ഭാ സാ​മാ​ജി​ക​ര്‍ ഉ​ള്‍പ്പെ​ടെ​യു​ള്ള ജ​ന​പ്ര​തി​നി​ധി​ക​ളു​ടെ​യും ഉ​ദ്യോ​ഗ​സ്ഥ​മേ​ധാ​വി​ക​ളു​ടെ​യും ശ്ര​ദ്ധ​യി​ല്‍പെ​ടു​ത്തി​യെ​ങ്കി​ലും നീ​ക്കാ​ൻ ശ്ര​മ​മു​ണ്ടാ​യി​ട്ടി​ല്ല. തെ​രു​വ് നാ​യ്ക്ക​ള്‍ കൊ​ണ്ടി​ടു​ന്ന അ​റ​വ് മാ​ലി​ന്യ​ത്താ​ൽ പ​രി​സ​രം ദു​ര്‍ഗ​ന്ധ​പൂ​രി​ത​മാ​ണ്.

അ​ഞ്ച് വ​ര്‍ഷം മു​മ്പ്​ 16 കോ​ടി ചെ​ല​വി​ൽ ആ​റ്​ നി​ല​ക​ളി​ലാ​യി 53,025 ച​തു​ര​ശ്ര​അ​ടി വി​സ്തൃ​തി​യി​ല്‍ നി​ര്‍മി​ച്ച മി​നി സി​വി​ല്‍ സ്റ്റേ​ഷ​നി​ൽ സ​ര്‍ക്കാ​ര്‍ ഓ​ഫി​സു​ക​ള്‍ പ്ര​വ​ര്‍ത്ത​നം തു​ട​ങ്ങി​യി​ട്ട് നാ​ല് വ​ര്‍ഷം പോ​ലും പൂ​ര്‍ത്തി​യാ​യി​ല്ലെ​ങ്കി​ലും പ​തി​റ്റാ​ണ്ടി​ന്‍റെ പ​ഴ​ക്ക​മാ​ണ് തോ​ന്നി​ക്കു​ന്ന​ത്. ഓ​രോ നി​ല​യും മാ​റാ​ല​യും പൊ​ടി​പ​ട​ല​ങ്ങ​ളും ച​പ്പു​ച​വ​റു​മാ​ണ്. തെ​രു​വു​നാ​യ്ക്ക​ളു​ടെ​യും താ​വ​ള​മാ​യ​തോ​ടെ സ​ന്ദ​ർ​ശ​ക​രും ഭീ​തി​യി​ലാ​ണ്. പ​രാ​തി​ക​ള്‍ കേ​ള്‍ക്കാ​നോ പ​രി​ഹ​രി​ക്കാ​നോ നാ​ഥ​നി​ല്ലാ​ത്ത അ​വ​സ്ഥ​യി​ലാ​ണി​വി​ടം.