കൊരട്ടിയിലെ പുലി ഭീതി; അഞ്ചിടത്ത് കാമറ ട്രാപ്പുകൾ സ്ഥാപിച്ചു

കൊ​ര​ട്ടി: പ​ഞ്ചാ​യ​ത്തി​ൽ പു​ലി സാ​ന്നി​ധ്യ​മു​ണ്ടോ​യെ​ന്ന് നി​രീ​ക്ഷി​ച്ച​റി​യാ​ൻ ര​ണ്ട് വാ​ർ​ഡു​ക​ളി​ൽ വ​നം​വ​കു​പ്പ് കാ​മ​റ ട്രാ​പ്പ് സ്ഥാ​പി​ച്ചു. വ​ഴി​ച്ചാ​ൽ, മം​ഗ​ല​ശ്ശേ​രി, ചെ​റ്റാ​രി​ക്ക​ൽ വാ​ർ​ഡു​ക​ളി​ലാ​യി അ​ഞ്ചി​ട​ത്താ​ണ് കാ​മ​റ​ക​ൾ വെ​ച്ച​ത്. ഇ​തി​ൽ ര​ണ്ട് കാ​മ​റ​ക​ൾ പു​ലി നാ​യെ പി​ടി​കൂ​ടി​യ വീ​ടി​ന്റെ പ​രി​സ​ര​ത്താ​ണ് സ്ഥാ​പി​ച്ച​ത്. ഇ​തു​വ​ഴി പു​ലി​യു​ടെ സ​ഞ്ചാ​ര​പ​ഥം മ​ന​സ്സി​ലാ​ക്കാ​മെ​ന്നാ​ണ് ക​രു​ത​പ്പെ​ടു​ന്ന​ത്. അ​ത് തി​രി​ച്ച​റി​ഞ്ഞാ​ൽ ഫ​ല​പ്ര​ദ​മാ​യി കൂ​ട് സ്ഥാ​പി​ക്കാ​ൻ ക​ഴി​യും.

പു​ലി​യെ പി​ടി​കൂ​ടാ​ൻ കൂ​ടു​വെ​ക്കു​മെ​ന്ന് വ​നം മ​ന്ത്രി എ.​കെ. ശ​ശീ​ന്ദ്ര​ൻ അ​റി​യി​ച്ചി​രു​ന്നു. അ​തേ​സ​മ​യം, കൂ​ടു​വെ​ക്കു​ന്ന കാ​ര്യ​ത്തി​ൽ തീ​രു​മാ​ന​മൊ​ന്നും ആ​യി​ട്ടി​ല്ല. ഇ​ക്കാ​ര്യ​ത്തി​ൽ സി.​സി.​എ​ഫി​ന്റെ അ​നു​മ​തി ല​ഭി​ച്ചി​ട്ടി​ല്ലെ​ന്നാ​ണ് സൂ​ച​ന. ചാ​ല​ക്കു​ടി, വാ​ഴ​ച്ചാ​ൽ ഡി.​എ​ഫ്.​ഒ​മാ​ർ പ്ര​ദേ​ശ​ത്ത് സ​ന്ദ​ർ​ശ​നം ന​ട​ത്തി സ്ഥി​തി​ഗ​തി​ക​ൾ നി​രീ​ക്ഷി​ച്ചി​ട്ടു​ണ്ട്. അ​ടി​യ​ന്ത​ര സാ​ഹ​ച​ര്യം ഉ​ണ്ടാ​യാ​ൽ നേ​രി​ടാ​ൻ ആ​ർ.​ആ​ർ.​ടി അം​ഗ​ങ്ങ​ളും രം​ഗ​ത്തു​ണ്ട്.

കൊ​ര​ട്ടി പ്ര​ദേ​ശ​ത്തു​നി​ന്ന് പോ​കാ​തെ പു​ലി ത​മ്പ​ടി​ച്ചു നി​ൽ​ക്കു​ന്നു​വെ​ന്ന​തി​ന് കാ​ര്യ​മാ​യ തെ​ളി​വു​ക​ളൊ​ന്നു​മി​ല്ല. എ​ങ്കി​ലും ജ​ന​ങ്ങ​ളുടെ പു​ലി​പ്പേ​ടി മാ​റി​യി​ല്ല. രാ​ത്രി​യി​ലും പു​ല​ർ​ച്ച​യും ജ​ന​ങ്ങ​ൾ ജാ​ഗ്ര​ത​യി​ലാ​ണ്. അ​തി​രാ​വി​ലെ​യു​ള്ള വി​ദ്യാ​ർ​ഥി​ക​ളു​ടെ സ്വ​കാ​ര്യ ട്യൂ​ഷ​ൻ ഏ​താ​നും നാ​ള​ത്തേ​ക്ക് മാ​റ്റി​യി​ട്ടു​ണ്ട്. 11, 12, 13 വാ​ർ​ഡു​ക​ളി​ലെ ഈ ​കാ​ടു​ക​ൾ വെ​ട്ടി​ത്തെ​ളി​ക്കാ​ൻ നി​ർ​ദേ​ശ​മു​ണ്ട്.

വ​ർ​ഷ​ങ്ങ​ളാ​യി പൂ​ട്ടി​യി​ട്ട കൊ​ര​ട്ടി ഭാ​ര​ത സ​ർ​ക്കാ​ർ പ്ര​സ്സി​ന്റെ 100 ഏ​ക്ക​റോ​ളം വ​രു​ന്ന വ​ള​പ്പാ​ണ് പ്ര​ദേ​ശ​ത്തെ കാ​ടു​പി​ടി​ച്ചു കി​ട​ക്കു​ന്ന സ്ഥ​ല​ങ്ങ​ളി​ലൊ​ന്ന്. കു​റു​ന​രി തു​ട​ങ്ങി​യ കാ​ട്ടു​ജീ​വി​ക​ൾ ഇ​വി​ടെ​യു​ണ്ട്. ഏ​താ​നും വ​ർ​ഷം മു​മ്പ് കാ​ട്ടി​ൽ നി​ന്നെ​ത്തി​യ കാ​ട്ടു​പോ​ത്ത് ഇ​വി​ടെ ത​മ്പ​ടി​ച്ചി​രു​ന്നു. ഡ്രോ​ൺ പ​റ​ത്തി ഇ​വി​ടെ പു​ലി​യു​ടെ സാ​ന്നി​ധ്യ​മു​ണ്ടോ​യെ​ന്ന് നി​രീ​ക്ഷി​ക്കും.