താമരശ്ശേരി ചുരത്തിലെ കവർച്ച കേസ്: മാള സ്വദേശി അറസ്റ്റിൽ

മാ​ള: താ​മ​ര​ശ്ശേ​രി ചു​ര​ത്തി​ൽ മൈ​സൂ​ർ സ്വ​ദേ​ശി​യെ ആ​ക്ര​മി​ച്ച് ക​വ​ർ​ച്ച ന​ട​ത്തി​യ സം​ഘാം​ഗം അ​റ​സ്റ്റി​ൽ. മാ​ള വ​ട​മ കു​റ്റി​പ്പു​ഴ​ക്കാ​ര​ൻ വീ​ട്ടി​ൽ സി​ജി​ലി​നെ​യാ​ണ് (29) തൃ​ശൂ​ർ റൂ​റ​ൽ എ​സ്.​പി ന​വ​നീ​ത് ശ​ർ​മ​യു​ടെ നി​ർ​ദേ​ശ​പ്ര​കാ​രം ഇ​രി​ങ്ങാ​ല​ക്കു​ട ഡി​വൈ.​എ​സ്.​പി ടി.​കെ. ഷൈ​ജു​വി​ന്റെ നേ​തൃ​ത്വ​ത്തി​ലു​ള്ള സം​ഘം പി​ടി​കൂ​ടി​യ​ത്. ഡി​സം​ബ​ർ 13ന് ​രാ​വി​ലെ സ്വ​ർ​ണം വാ​ങ്ങാ​നാ​യി കൊ​ടു​വ​ള്ളി​യി​ലേ​ക്ക് പോ​വു​ക​യാ​യി​രു​ന്ന മൈ​സൂ​ർ സ്വ​ദേ​ശി​യെ താ​മ​ര​ശ്ശേ​രി ചു​ര​ത്തി​ലെ ഒ​മ്പ​താം വ​ള​വി​ൽ കാ​ർ ത​ട​ഞ്ഞ് നി​ർ​ത്തി ആ​ക്ര​മി​ച്ച് കാ​റും 68 ല​ക്ഷം രൂ​പ​യും മൊ​ബൈ​ൽ ഫോ​ണും ക​വ​ർ​ന്ന സം​ഘ​ത്തി​ൽ ഉ​ൾ​പ്പെ​ട്ട​യാ​ളാ​ണ് സി​ജി​ൽ.

കേ​സെ​ടു​ത്ത താ​മ​ര​ശ്ശേ​രി പൊ​ലീ​സ് സം​ഭ​വ​ത്തി​ൽ ഉ​ൾ​പ്പെ​ട്ട മ​റ്റ് പ്ര​തി​ക​ളെ നേ​ര​ത്തേ പി​ടി​കൂ​ടി​യി​രു​ന്നു. ഇ​വ​രെ ചോ​ദ്യം ചെ​യ്ത​തി​ൽ​നി​ന്നാ​ണ് സി​ജി​ലി​നെ കു​റി​ച്ച് വി​വ​രം ല​ഭി​ച്ച​ത്. സം​ഭ​വ​ശേ​ഷം മൊ​ബൈ​ൽ ഫോ​ൺ സ്വി​ച്ച് ഓ​ഫ് ചെ​യ്ത് മു​ങ്ങി​യ പ്ര​തി തി​ങ്ക​ളാ​ഴ്ച രാ​ത്രി നാ​ട്ടി​ലെ​ത്തി​യ​പ്പോ​ൾ പി​ടി​കൂ​ടു​ക​യാ​യി​രു​ന്നു. പ്ര​തി​യെ താ​മ​ര​ശ്ശേ​രി പൊ​ലീ​സി​ന് കൈ​മാ​റി. മാ​ള എ​സ്.​ഐ നീ​ൽ ഹെ​ക്ട​ർ ഫെ​ർ​ണാ​ണ്ട​സ്, സീ​നി​യ​ർ സി.​പി.​ഒ ഇ.​എ​സ്. ജീ​വ​ൻ, കെ. ​ന​വാ​സ്, വി​പി​ൻ​ലാ​ൽ എ​ന്നി​വ​രാ​ണ് പ്ര​തി​യെ പി​ടി​കൂ​ടി​യ സം​ഘ​ത്തി​ൽ ഉ​ണ്ടാ​യി​രു​ന്ന​ത്.