ഗൃ​ഹ​നാ​ഥ​ന്‍റെ മ​ര​ണ​ത്തി​ൽ സം​ശ​യം പ്ര​ക​ടി​പ്പി​ച്ച്​ ബ​ന്ധു​ക്ക​ൾ

കൊ​ടു​ങ്ങ​ല്ലൂ​ർ: ഗൃ​ഹ​നാ​ഥ​ന്‍റെ മ​ര​ണ​ത്തി​ൽ സം​ശ​യം പ്ര​ക​ടി​പ്പി​ച്ച് ബ​ന്ധു​ക്ക​ൾ. നേ​ര​ത്തേ പു​ല്ലൂ​റ്റ് ഗ​വ​ൺ​മെ​ന്റ് എ​ൽ.​പി സ്കൂ​ളി​ന് സ​മീ​പം താ​മ​സി​ച്ചി​രു​ന്ന എ​ട​വി​ല​ങ്ങ് പു​ഴ​ങ്ക​ര​യി​ല്ല​ത്ത് പ​രേ​ത​നാ​യ ഷൗ​ക്ക​ത്ത​ലി ഹാ​ജി​യു​ടെ മ​ക​ൻ ഷാ​ജ​ഹാ​ന്‍റെ (52) മ​ര​ണ​ത്തി​നെ​തി​രെ​യാ​ണ് പ​രാ​തി ഉ​യ​ർ​ന്ന​ത്.

സം​ശ​യം പ്ര​ക​ടി​പ്പി​ച്ച് സ​ഹോ​ദ​ര​ൻ ന​ൽ​കി​യ മൊ​ഴി​യു​ടെ അ​ടി​സ്ഥാ​ന​ത്തി​ൽ അ​സ്വാ​ഭാ​വി​ക മ​ര​ണ​ത്തി​ന് കേ​സെ​ടു​ത്ത കൊ​ടു​ങ്ങ​ല്ലൂ​ർ പൊ​ലീ​സ് മൃ​ത​ദേ​ഹം തൃ​ശൂ​ർ മെ​ഡി​ക്ക​ൽ കോ​ള​ജ്​ ആ​ശു​പ​ത്രി​യി​ലേ​ക്ക് അ​യ​ച്ച്​ പോ​സ്റ്റ്​​മോ​ർ​ട്ടം ന​ട​ത്തി.

എ​ട​വി​ല​ങ്ങി​ൽ​നി​ന്ന് വി​വാ​ഹം ക​ഴി​ച്ചി​രി​ക്കു​ന്ന ഷാ​ജ​ഹാ​ൻ ക​ഴി​ഞ്ഞ 10 വ​ർ​ഷ​മാ​യി എ​ട​വി​ല​ങ്ങി​ൽ പ​ണി​ത വീ​ട്ടി​ലാ​ണ് താ​മ​സം. മ​ദ്യ​ത്തി​ന് അ​ടി​മ​യാ​യ ഇ​യാ​ളു​ടെ മ​ര​ണം എ​ട​വി​ല​ങ്ങി​ലെ വീ​ട്ടി​ൽ വെ​ച്ചാ​യി​രു​ന്നു.

എ​ന്നാ​ൽ, യ​ഥാ​സ​മ​യം ആ​ശു​പ​ത്രി​യി​ൽ എ​ത്തി​ച്ച് ചി​കി​ത്സ ന​ൽ​കി​യി​ട്ടി​ല്ലെ​ന്നും മ​ര​ണ​വി​വ​രം പു​റ​ത്തു​ള്ള​വ​ർ പ​റ​ഞ്ഞാ​ണ് അ​റി​ഞ്ഞ​തെ​ന്നും ത​ങ്ങ​ളി​ൽ​നി​ന്ന് പ​ല​തും മ​റ​ച്ചു​പി​ടി​ക്കു​ക​യാ​ണെ​ന്നും ഷാ​ജ​ഹാ​ന്‍റെ സ്വ​ന്തം വീ​ട്ടു​കാ​ർ ആ​രോ​പി​ക്കു​ന്നു. ഇ​തെ​ല്ലാം മ​ര​ണ​ത്തി​ൽ സം​ശ​യം ഉ​ണ്ടാ​ക്കു​ന്ന കാ​ര്യ​ങ്ങ​ളാ​ണ്. ഷോ​പ്പി​ങ്​ കോം​പ്ല​ക്സ് ഉ​ൾ​പ്പെ​ടെ നി​ര​വ​ധി വ​സ്തു​വ​ക​ക​ളു​ള്ള ഇ​ദ്ദേ​ഹം സ​മ്പ​ന്ന​നാ​ണ്.

ചൂ​ഷ​ണം ചെ​യ്യാ​ൻ ചി​ല​ർ ഷാ​ജ​ഹാ​നെ സ്ഥി​രം മ​ദ്യ​ത്തി​ന് അ​ടി​മ​യാ​ക്കു​ക​യാ​യി​രു​ന്നു​വെ​ന്നും ബ​ന്ധു​ക്ക​ൾ ആ​രോ​പി​ക്കു​ന്നു. മ​ര​ണം സം​ബ​ന്ധി​ച്ച് അ​ന്വേ​ഷ​ണം വേ​ണ​മെ​ന്നാ​ണ് ആ​വ​ശ്യം.