കനത്ത മഴയിൽ കിഴുപ്പിള്ളിക്കര മുനയം ബണ്ട് തകർന്നു

കി​ഴു​പ്പി​ള്ളി​ക്ക​ര: ക​ന​ത്ത മ​ഴ​യി​ൽ താ​ന്ന്യം പ​ഞ്ചാ​യ​ത്തി​ലെ കി​ഴു​പ്പി​ള്ളി​ക്ക​ര മു​ന​യം ബ​ണ്ട് ത​ക​ർ​ന്നു. ക​ല്ല​ങ്ക​ര​മാ​ട് പ്ര​ദേ​ശ​ത്ത് തീ​രം ഇ​ടി​യു​ന്ന​തോ​ടെ എ​ട്ട് കു​ടും​ബ​ങ്ങ​ൾ ഭീ​തി​യി​ൽ. മ​ഴ​യി​ൽ വെ​ള്ളം നി​റ​ഞ്ഞ​തോ​ടെ​യാ​ണ് താ​ൽ​ക്കാ​ലി​ക ബ​ണ്ട് ഇ​ടി​ഞ്ഞ് ത​ക​ർ​ന്ന​ത്. വെ​ള്ള​ത്തി​ന്റെ കു​ത്തി​യൊ​ഴു​ക്കു​മൂ​ലം തീ​രം ഇ​ടി​യു​ക​യാ​ണ്.

ക​ടു​ത്ത വേ​ന​ലി​ൽ പു​ഴ​യി​ൽ ഉ​പ്പു​വെ​ള്ളം ക​യ​റു​മ്പോ​ഴാ​ണ് കൃ​ഷി​യെ​യും കു​ടി​വെ​ള്ള സ്ത്രോ​ത​സ്സു​ക​ളെ​യും സം​ര​ക്ഷി​ക്കാ​ൻ മു​ന​യം ബ​ണ്ട് കെ​ട്ടു​ന്ന​ത്. കാ​ല​വ​ർ​ഷ​ത്തി​ൽ വെ​ള്ളം ഒ​ഴു​ക്കി​വി​ടാ​നാ​യി ബ​ണ്ട് തു​റ​ക്കാ​റു​ണ്ട്.

എ​ന്നാ​ൽ, ഇ​ത്ത​വ​ണ അ​പ്ര​തീ​ക്ഷി​ത​മാ​യി കാ​ല​വ​ർ​ഷം നേ​ര​ത്തേ വ​ന്ന​താ​ണ് ബ​ണ്ട് തു​റ​ന്നു​വി​ടാ​ൻ ക​ഴി​യാ​തെ പോ​യ​ത്. ന്യൂ​ന​മ​ർ​ദ​ത്തെ തു​ട​ർ​ന്നും കാ​ല​വ​ർ​ഷം ശ​ക്തി​പ്രാ​പി​ച്ച​തും മ​ഴ ക​ന​ക്കു​ക​യും വെ​ള്ളം നി​റ​യു​ക​യും ചെ​യ്ത​തോ​ടെ ബ​ണ്ട് തു​റ​ന്നു​വി​ടാ​നും പ​റ്റാ​ത്ത അ​വ​സ്ഥ​യാ​യി .

ഇ​തോ​ടെ​യാ​ണ് വെ​ള്ളം നി​റ​ഞ്ഞ് ബ​ണ്ട് പൊ​ട്ടാ​ൻ കാ​ര​ണ​മാ​യ​ത്. മു​ള​ക്കു​റ്റി​ക​ളും ഓ​ല​യും കെ​ട്ടി ച​ര​ൽ നി​റ​ച്ചാ​ണ് ബ​ണ്ട് ഓ​രോ വ​ർ​ഷ​വും ഉ​പ്പു​വെ​ള്ളം ക​യ​റു​ന്ന​തി​ൽ​നി​ന്ന് സം​ര​ക്ഷി​ച്ചു പോ​രു​ന്ന​ത്. ല​ക്ഷ​ങ്ങ​ളാ​ണ് ഓ​രോ വ​ർ​ഷ​വും ബ​ണ്ട് കെ​ട്ടാ​ൻ ചെ​ല​വ് വ​രാ​റ്. പ​ത്തു​വ​ർ​ഷം മു​മ്പും ഇ​ത്ത​ര​ത്തി​ൽ ബ​ണ്ട് പൊ​ട്ടി​യി​രു​ന്നു.

മു​ന​യം സ്ഥി​രം ബ​ണ്ട് കെ​ട്ടാ​ൻ വ​ർ​ഷ​ങ്ങ​ളാ​യു​ള്ള മു​റ​വി​ളി​യാ​ണ്. ഈ ​ആ​വ​ശ്യം ഉ​ന്ന​യി​ച്ച് എ​ൽ.​എ​ൽ.​എ ആ​യി​രു​ന്ന ഘ​ട്ട​ത്തി​ൽ ഗീ​ത ഗോ​പി​യും അ​ന്ന​ത്തെ താ​ന്ന്യം പ​ഞ്ചാ​യ​ത്ത് പ്ര​സി​ഡ​ന്റ് സു​ശീ​ല ടീ​ച്ച​ർ, ജി​ല്ല പ​ഞ്ചാ​യ​ത്ത് അം​ഗം മ​റ്റ് ജ​ന​പ്ര​തി​നി​ധി​ക​ളും ബ​ണ്ടി​ന് സ​മീ​പം നി​രാ​ഹാ​ര സ​മ​രം ന​ട​ത്തി​യി​രു​ന്നു.

സ്ഥി​രം ബ​ണ്ട് കെ​ട്ടാ​ൻ ബ​ജ​റ്റി​ൽ വ​ക കൊ​ള്ളി​ക്കു​മെ​ന്ന ഉ​റ​പ്പി​ലാ​ണ് ര​ണ്ട് ദി​വ​സ​ങ്ങ​ൾ​ക്കു​ശേ​ഷം സ​മ​രം അ​വ​സാ​നി​പ്പി​ച്ച​ത്. എ​ന്നാ​ൽ, എ​ൽ.​ഡി.​എ​ഫ് സ​ർ​ക്കാ​ർ വ​ന്ന് ഒ​മ്പ​ത് വ​ർ​ഷ​മാ​യി​ട്ടും ബ​ജ​റ്റി​ൽ തു​ക വ​ക​ക്കൊ​ള്ളി​ക്കു​ന്ന​ത​ല്ലാ​തെ സ്ഥി​രം ബ​ണ്ട് നി​ർ​മി​ക്കാ​ൻ ഇ​നി​യും ക​ഴി​ഞ്ഞി​ട്ടി​ല്ല.