ര​ണ്ട​ര പ​തി​റ്റാ​ണ്ടി​ന്റെ ദു​രി​തം; ചെ​മ്പൈ​പാ​ട​ത്തു​കാ​രോ​ട് ക​നി​വ് കാ​ട്ടാ​തെ അ​ധി​കാ​രി​ക​ൾ

മ​തി​ല​കം: മ​തി​ല​കം ചെ​മ്പൈ​പാ​ടം നി​വാ​സി​ക​ൾ ര​ണ്ട​ര പ​തി​റ്റാ​ണ്ടി​ലേ​റെ​യാ​യി അ​നു​ഭ​വി​ക്കു​ന്ന കാ​ല​വ​ർ​ഷ ദു​രി​തം അ​റു​തി​യി​ല്ലാ​തെ തു​ട​രു​മ്പോ​ഴും ക​നി​വ് കാ​ട്ടാ​തെ അ​ധി​കാ​രി​ക​ൾ. പ​ഞ്ചാ​യ​ത്ത് അ​ധി​കാ​രി​ക​ൾ മാ​ത്ര​മ​ല്ല രാ​ഷ്ട്രീ​യ പാ​ർ​ട്ടി​ക​ളും യു​വ​ജ​ന സം​ഘ​ട​ന​ക​ളു​മെ​ല്ലാം ഈ ​ജ​ന​കീ​യ പ്ര​ശ്ന​ത്തെ അ​വ​ഗ​ണി​ക്കു​ക​യാ​ണ്.

മ​തി​ല​കം പ​ഞ്ചാ​യ​ത്തി​ൽ നി​ല​വി​ലെ ഒ​മ്പ​താം വാ​ർ​ഡി​ൽ താ​മ​സി​ക്കു​ന്ന 30ലേ​റെ കു​ടും​ബ​ങ്ങ​ളാ​ണ് ദു​രി​ത​ക്ക​യ​ത്തി​ൽ ക​ഴി​യു​ന്ന​ത്. ഇ​ത്ത​വ​ണ മ​ഴ ക​ന​ത്ത​തോ​ടെ ഇ​വി​ടെ ജീ​വി​ക്കു​ന്ന മ​നു​ഷ്യ​രു​ടെ ദു​രി​ത​വും ക​ന​ത്തി​രി​ക്കു​ക​യാ​ണ്. വെ​ള്ള​ക്കെ​ട്ട് കൂ​ടു​ത​ൽ വീ​ടു​ക​ളി​ലേ​ക്ക് വ്യാ​പി​ച്ച അ​വ​സ്ഥ​യാ​ണ്. പ​ല കു​ടും​ബ​ങ്ങ​ളും വീ​ടൊ​ഴി​ഞ്ഞ് പോ​യി. അ​വ​ശേ​ഷി​ക്കു​ന്ന​വ​ർ വെ​ള്ള​ത്താ​ൽ ചു​റ്റ​പ്പെ​ട്ട വീ​ടു​ക​ളി​ൽ ഒ​രു വി​ധം ക​ഴി​ച്ചു കൂ​ട്ടു​ന്നു. മ​ലി​ന​ജ​ലം താ​ണ്ടി​യാ​ണ് ഒ​ഴി​ഞ്ഞു​പോ​കാ​ൻ പ​റ്റാ​ത്ത വീ​ടു​ക​ളി​ലെ വി​ദ്യാ​ർ​ഥി​ക​ൾ സ്കൂ​ളി​ൽ പോ​കു​ന്ന​തും വ​രു​ന്ന​തും. വെ​ള്ളം കെ​ട്ടി​നി​ന്ന് വീ​ടു​ക​ൾ നാ​ശം നേ​രി​ടു​ക​യാ​ണ്. വീ​ട്ടു​വ​ള​പ്പി​ലെ ഫ​ല​വൃ​ക്ഷ​ങ്ങ​ളും പ​ച്ച​ക്ക​റി​യി​ന​ങ്ങ​ളു​മെ​ല്ലാം ന​ശി​ക്കു​ന്നു.

മ​ഴ​വെ​ള്ള​ത്തോ​ടൊ​പ്പം ദേ​ശീ​യ​പാ​ത​യി​ലെ അ​ഴു​ക്കു​ചാ​ൽ വ​ഴി​യെ​ത്തു​ന്ന മ​ലി​ന​ജ​ല​വും ഒ​ഴു​കി​പ്പോ​കാ​തെ കാ​ന​യി​ലും പ്ര​ദേ​ശ​ത്തും കെ​ട്ടി നി​ൽ​ക്കു​ക​യാ​ണ്. ചി​ല വീ​ടു​ക​ളു​ടെ അ​ക​ത്താ​ണ് വെ​ള്ളം കെ​ട്ടി നി​ൽ​ക്കു​ന്ന​ത്. കൊ​തു​കു​ശ​ല്യ​ത്തി​ന് പു​റ​മെ മ​റ്റു രോ​ഗ​ഭീ​തി​യി​ലു​മാ​ണ് സ്ഥ​ല​വാ​സി​ക​ൾ. മാ​ലി​ന്യ മു​ക്ത​പ്ര​ഖ്യാ​പ​നം ന​ട​ത്തി​യ പ​ഞ്ചാ​യ​ത്തി​ലാ​ണ് ഈ ​ഗൗ​ര​വ​ത​ര​മാ​യ സാ​ഹ​ച​ര്യം. ഈ​യി​ടെ ഒ​രു ഗൃ​ഹ​നാ​ഥ​ന് എ​ലി​പ്പ​നി പി​ടി​പെ​ട്ടി​രു​ന്നു.

പ്ര​ശ്ന പ​രി​ഹാ​ര​ത്തി​നാ​യി സ്ഥ​ല​വാ​സി​ക​ൾ മു​ട്ടാ​ത്ത വാ​തി​ലു​ക​ളി​ല്ല. മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ന​യി​ച്ച ന​വ​കേ​ര​ള സ​ദ​സ്സി​ൽ ഏ​റെ പ്ര​തീ​ക്ഷ​യോ​ടെ​യാ​ണ് ദു​രി​ത​ബാ​ധി​ത​ർ പ​രാ​തി ന​ൽ​കി​യ​ത്. അ​തും വെ​റു​തെ​യാ​യി.ഒ​രി​ക്ക​ൽ തെ​ര​ഞ്ഞെ​ടു​പ്പ് ബ​ഹി​ഷ്ക​രി​ക്കു​മെ​ന്ന് ദു​രി​ത​ബാ​ധി​ത​ർ ഭീ​ഷ​ണി മു​ഴ​ക്കി​യ​തോ​ടെ എം.​എ​ൽ.​എ ഉ​ൾ​പ്പെ​ടെ ഓ​ടി​യെ​ത്തി പ​രി​ഹാ​രം ഉ​റ​പ്പ് ന​ൽ​കി​യ​താ​ണ്. എ​ന്നാ​ൽ ന​ട​പ​ടി ഉ​ണ്ടാ​യി​ട്ടി​ല്ല. സാ​ധ്യ​മാ​യ കാ​ര്യ​ങ്ങ​ൾ പോ​ലും ചെ​യ്യാ​ൻ പ​ഞ്ചാ​യ​ത്ത് അ​ധി​കാ​രി​ക​ൾ ത​യാ​റാ​കു​ന്നി​ല്ലെ​ന്ന് സ്ഥ​ല​വാ​സി​ക​ൾ കു​റ്റ​പ്പെ​ടു​ത്തു​ന്നു.