പു​ന്ന​യൂ​ർ​ക്കു​ള​ത്ത് ബ​ഡ്സ് സ്കൂ​ൾ ഒ​രു​ങ്ങു​ന്നു

പു​ന്ന​യൂ​ർ​ക്കു​ളം: ഭി​ന്ന​ശേ​ഷി​ക്കു​ട്ടി​ക​ളു​ടെ വി​ദ്യാ​ഭ്യാ​സ പു​ന​ര​ധി​വാ​സ​ത്തി​ന്​ പു​ന്ന​യൂ​ർ​ക്കു​ളം പ​ഞ്ചാ​യ​ത്തി​ൽ ബ​ഡ്സ് സ്കൂ​ൾ ഒ​രു​ങ്ങു​ന്നു. മാ​ന​സി​ക വെ​ല്ലു​വി​ളി നേ​രി​ടു​ന്ന കു​ട്ടി​ക​ളെ വീ​ട്ടി​നു​ള്ളി​ൽ ഒ​തു​ക്കി​നി​ർ​ത്താ​തെ ക​ഴി​വു​ക​ളെ ക​ണ്ടെ​ത്തി പ​രി​പോ​ഷി​പ്പി​ക്കാ​നും അ​റി​വി​ന്റെ ലോ​കം തു​റ​ന്ന് ന​ൽ​കാ​നു​മാ​ണ് ബ​ഡ്സ് സ്കൂ​ൾ ല​ക്ഷ്യം​വെ​ക്കു​ന്ന​ത്. ചാ​വ​ക്കാ​ട് ബ്ലോ​ക്ക് പ​ഞ്ചാ​യ​ത്തി​ന് കീ​ഴി​ലെ ആ​ദ്യ​ത്തെ ബ​ഡ്സ് സ്കൂ​ളാ​ണ് പു​ന്ന​യൂ​ർ​ക്കു​ള​ത്ത് യാ​ഥാ​ർ​ഥ്യ​മാ​കു​ന്ന​ത്. കൊ​ച്ച​ന്നൂ​ർ സ്കൂ​ളി​നു​സ​മീ​പം ഊ​ക്ക​യി​ൽ ഹ​ബീ​ബ് റ​ഹ്മാ​ൻ പ​ഞ്ചാ​യ​ത്തി​ന് സൗ​ജ​ന്യ​മാ​യി ന​ൽ​കി​യ ച​മ്മ​ന്നൂ​രി​ലെ 26 സെ​ന്റ് സ്ഥ​ല​ത്താ​ണ് 3660 ച​തു​ര​ശ്ര അ​ടി വി​സ്തീ​ർ​ണ​ത്തി​ൽ ബ​ഡ്സ് സ്കൂ​ൾ ത​യാ​റാ​ക്കി​യ​ത്. 54.96 ല​ക്ഷം വി​നി​യോ​ഗി​ച്ചാ​ണ് നി​ർ​മാ​ണം പൂ​ർ​ത്തീ​ക​രി​ക്കു​ന്ന​ത്. ഓ​ഫി​സ്, സ്റ്റാ​ഫ്, തെ​റ​പ്പി മു​റി​ക​ൾ​ക്കു പു​റ​മെ നാ​ല് ക്ലാ​സ് മു​റി, നാ​ല് ശൗ​ചാ​ല​യ​വും ഇ​രി​പ്പി​ട​വും അ​ടു​ക്ക​ള, ഡൈ​നി​ങ് ഹാ​ൾ, വ​ർ​ക്ക് ഏ​രി​യ, വ​രാ​ന്ത, സ്റ്റോ​ർ റൂം, ​വാ​ഷ് ഏ​രി​യ സൗ​ക​ര്യ​ങ്ങ​ളും ഒ​രു​ക്കി​യി​ട്ടു​ണ്ട്. പ്ര​വേ​ശ​ന ക​വാ​ട​ത്തി​ൽ പ​ടി​പ്പു​ര​യും ത​യാ​റാ​ക്കി​യി​ട്ടു​ണ്ട്. ഇ​ന്‍റീ​രി​യ​ർ പ്ര​വൃ​ത്തി പൂ​ർ​ത്തി​യാ​ക്കി നാ​ടി​ന് സ​മ​ർ​പ്പി​ക്കും.