തൃപ്രയാർ: വലപ്പാട് പഞ്ചായത്തിൽ ലൈഫ് മിഷൻ പദ്ധതിക്ക് ഭൂമി വാങ്ങിയതിന്റെ രേഖ ജില്ല പഞ്ചായത്ത് പ്രസിഡന്റ് ഡേവിസ് പഞ്ചായത്ത് വൈസ് പ്രസിഡന്റ് വി.ആർ. ജിത്തിൽനിന്ന് ഏറ്റുവാങ്ങി. ജനകീയാസൂത്രണ പദ്ധതി പ്രകാരം ജില്ല പഞ്ചായത്തുമായി സഹകരിച്ചാണ് ഭൂമി വാങ്ങിയത്. ജില്ല പഞ്ചായത്തിന്റെ പദ്ധതി വിഹിതം 50 ലക്ഷം രൂപയും വലപ്പാട് പഞ്ചായത്തിന്റെ വിഹിതമായ 20 ലക്ഷം രൂപയും കൂട്ടിയാണ് വട്ടപ്പരത്തി ക്ഷേത്രത്തിനു സമീപം 56 സെന്റ് സ്ഥലം വാങ്ങിയത്. വൈസ് പ്രസിഡന്റ് വി.ആർ. ജിത്ത് അധ്യക്ഷത വഹിച്ചു. ജില്ല പഞ്ചായത്ത് ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ പി.എം. അഹമ്മദ്, അംഗം മഞ്ജുള അരുണൻ, അനിത കാർത്തികേയൻ എന്നിവർ പങ്കെടുത്തു. കെ.എ. തപതി സ്വാഗതവും സെക്രട്ടറി ജോയ് സി. വർഗീസ് നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.