കുടിവെള്ളം മുടങ്ങിയിട്ട് ആറുമാസം; ദുരിതത്തിൽ 15 കുടുംബം

മല്ലപ്പള്ളി: കോട്ടാങ്ങൽ പഞ്ചായത്ത് 10ാം വാർഡ് വട്ടക്കാവിൽ 15 കുടുംബത്തിന്​ കുടിവെള്ളം കിട്ടാക്കനിയാകുന്നു. കാട്ടിക്കാവ്, വട്ടക്കാവ് റോഡിൽ കൊറ്റനാട് പഞ്ചായത്തിനോട് ചേർന്ന പ്രദേശവാസികൾക്കാണ് ഈ ദുർഗതി. ഇവിടെ വാട്ടർ അതോറിറ്റിയുടെ പൈപ്പ്​ലൈനിൽ വെള്ളമെത്തിയിട്ട് ആറു മാസത്തിലേറെയായി. 200 മീറ്റർ അടുത്തുവരെ പൈപ്പ്​ലൈനിലൂടെ വെള്ളമെത്തുന്നുണ്ട്. സാധാരണക്കാരായ കുടുംബങ്ങൾ മുഴുവൻ ആവശ്യങ്ങൾക്കും വെള്ളം വില കൊടുത്ത് വാങ്ങേണ്ട ഗതികേടിലാണ്. റോഡിന്‍റെ ശോച്യാവസ്ഥ കാരണം ദേശത്ത് വാഹനങ്ങളിൽ വെള്ളമെത്തിക്കണമെങ്കിൽ അമിത വിലയും നൽകേണ്ടിവരുന്നു. പ്രദേശത്തെ കുടിവെള്ളക്ഷാമം പരിഹരിക്കാൻ ജനപ്രതിനിധികളുടെ ഭാഗത്തുനിന്നും നടപടിയുണ്ടാകുന്നില്ല. വേനൽച്ചൂട് കടുത്തതോടെ കുടിവെള്ളത്തിന്​ അധികൃതരുടെ കനിവും കാത്തു കഴിയുകയാണ് ഈ കുടുംബങ്ങൾ. ഫോട്ടോ .കാടിക്കാവ്-വട്ടക്കാവ് റോഡിൽ വെള്ളമെത്താത്ത പൊതുടാപ്പ്

വായനക്കാരുടെ അഭിപ്രായങ്ങള്‍ അവരുടേത്​ മാത്രമാണ്​, മാധ്യമത്തി​േൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്​പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്​. അത്തരം പ്രതികരണങ്ങൾ നിയമനടപടി നേരിടേണ്ടി വരും.