അടൂർ: സംസ്ഥാന സർക്കാറിന്റെ നൂറ് ദിന കർമപദ്ധതിയുടെ ഭാഗമായി സംസ്ഥാന കൃഷി വികസന വകുപ്പ് നടപ്പാക്കുന്ന 'ഞങ്ങളും കൃഷിയിലേക്ക്' പദ്ധതി പഴകുളം കെ.വി.യു.പി.എസിലും നടപ്പാക്കി. പള്ളിക്കൽ ഗ്രാമപഞ്ചായത്ത് പ്രസിഡന്റ് സുശീല കുഞ്ഞമ്മക്കുറുപ്പ് തൈനട്ട് ഉദ്ഘാടനം ചെയ്തു. 35 സെന്റ് സ്ഥലത്താണ് കൃഷി ചെയ്യുന്നത്. പള്ളിക്കൽ കൃഷിഭവന്റെ സഹായത്തോടെ ചേന, ചീനി, ചേമ്പ്, കാച്ചിൽ, കിഴങ്ങ്, ഇഞ്ചി, മഞ്ഞൾ, വാഴ പച്ചമുളക്, വെണ്ട, വഴുതന എന്നിവയാണ് കൃഷി ചെയ്യുന്നത്. പറക്കോട് ബ്ലോക്ക് പഞ്ചായത്തംഗം എ.പി. സന്തോഷ്, കൃഷി ഓഫിസർ റോണി വർഗീസ്, പി.ടി.എ പ്രസിഡന്റ് എസ്.ആർ. സന്തോഷ്, വി.എസ്. വന്ദന, കെ.എസ്. ജയരാജ്, ഐ. ബസീം, ലക്ഷ്മി രാജ്, വി. ബീന, ബി. സ്മിത, എസ്. ശാലിനി, ആർഷ എന്നിവരും കാർഷിക ക്ലബ് അംഗങ്ങളായ വിദ്യാർഥികളും പങ്കെടുത്തു. PTL ADR Krishi പഴകുളം കെ.വി.യു.പി എസിൽ 'ഞങ്ങളും കൃഷിയിലേക്ക്' പദ്ധതി പള്ളിക്കൽ ഗ്രാമ പഞ്ചായത്ത് പ്രസിഡന്റ് സുശീല കുഞ്ഞമ്മക്കുറുപ്പ് തൈനട്ട് ഉദ്ഘാടനം ചെയ്യുന്നു
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.