കൊടുമൺ: പൊള്ളലേറ്റ വീട്ടമ്മയെ കോട്ടയം മെഡിക്കൽ കോളജ് ആശുപത്രിയിൽ പ്രവേശിച്ചിച്ചു. ഇടത്തിട്ട പുലയന്റയ്യത്ത് കിഴക്കതിൽ ഇന്ദിരക്കാണ് (59) പൊള്ളലേറ്റത്. വീടിന്‍റെ ഒന്നാംനിലയിലെ ഓപൺ ടെറസിൽ പൊള്ളലേറ്റ് കിടക്കുന്നതായാണ് ബുധനാഴ്ച രാവിലെ കണ്ടത്. സമീപം തീപിടിച്ച് ഉരുകിയ മണ്ണെണ്ണക്കുപ്പി, തീപ്പെട്ടി, ഗ്യാസ് ലൈറ്റർ, തീപിടിച്ച് കരിഞ്ഞ തുണികൾ, പായ് എന്നിവയുമുണ്ടായിരുന്നു. ആത്മഹത്യക്ക് ശ്രമിച്ചതാണെന്ന് സംശയിക്കുന്നു. വിവരമറിഞ്ഞ് എത്തിയ അഗ്നിരക്ഷാസേന അംഗങ്ങൾ ഉടൻതന്നെ ആംബുലൻസിൽ അടൂർ ജനറൽ ആശുപത്രിയിൽ എത്തിച്ചു. പൊള്ളൽ ഗുരുതരമായതിനാൽ മെഡിക്കൽ കോളജ് ആശുപത്രിയിലേക്ക് മാറ്റി. 60 ശതമാനത്തിലധികം പൊള്ളലേറ്റിട്ടുണ്ട്. സ്റ്റേഷൻ ഓഫിസർ വി. വിനോദ് കുമാറിന്റെ നേതൃത്വത്തിൽ അസിസ്റ്റൻറ് സ്റ്റേഷൻ ഓഫിസർ ഷാനവാസ്, ഓഫിസർമാരായ രവി, കൃഷ്ണകുമാർ, പ്രജോഷ്, വിപിൻ, സന്തോഷ് ജോർജ്, സൂരജ് എന്നിവരടങ്ങിയ അഗ്നിരക്ഷാസേന സംഘമാണ് ആശുപത്രിയിൽ എത്തിച്ചത്. കൊടുമൺ പൊലീസും സ്ഥലത്തെത്തിയിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.