കണ്ണനെ കാണാൻ കലക്‌ടർ കുടുംബത്തോടെയെത്തി

കോന്നി: കണ്ണനെ കാണാൻ കലക്ടറെത്തി. ജില്ല കലക്ടർ ദിവ്യ എസ്. അയ്യർ, പിതാവ് ശേക്ഷ അയ്യർ, മാതാവ് ഭഗവതി അമ്മാൾ, മകൻ മൽഹാർ എന്നിവർക്കൊപ്പം വൈകീട്ട്​ മൂന്നരയോടെയാണ് കലക്ടർ കോന്നി ആനത്താവളത്തിൽ കുട്ടിക്കുറുമ്പൻ കണ്ണനെ കാണാൻ എത്തിയത്. പത്തനംതിട്ട ജില്ലയുടെ മുഖമുദ്രയാണ് കോന്നി ആനക്കൂടെന്ന്​ കലക്ടർ പറഞ്ഞു. കോന്നി ഇക്കോ ടൂറിസം കേന്ദ്രീകരിച്ചാണ് കോന്നിയുടെ ടൂറിസം മാസ്റ്റർ പ്ലാൻ തയാറാക്കുന്നതെന്നും കലക്ടർ പറഞ്ഞു. ഒരുമണിക്കൂറിലധികം ചെലവഴിച്ചശേഷമാണ് കലക്ടറും കുടുംബവും മടങ്ങിയത്.