കേന്ദ്രമന്ത്രി വി. മുരളീധരൻ പാട്ടുപുരക്കാവ് ക്ഷേത്രത്തിലെത്തി

പന്തളം: കേന്ദ്രമന്ത്രി വി. മുരളീധരൻ തോന്നലൂർ പാട്ടുപുരക്കാവ് ദേവീക്ഷേത്രം സന്ദർശിച്ചു. ഞായറാഴ്ച രാവിലെ പന്തളത്തെത്തിയ കേന്ദ്രമന്ത്രിയെ ബി.ജെ.പി പന്തളം മണ്ഡലം ഭാരവാഹികളും ജനപ്രതിനിധികളും ഷാൾ അണിയിച്ച്​ സ്വീകരിച്ചു. പന്തളം നഗരസഭയി​ലെയും സമീപ പഞ്ചായത്തുകളിലെയും വികസന ക്ഷേമ പ്രവർത്തനങ്ങളെക്കുറിച്ച് ജനപ്രതിനിധികളുമായി ചർച്ച നടത്തി. നിരന്തരമായി വെള്ളപ്പൊക്കം മൂലം ജനങ്ങൾ അനുഭവിക്കുന്ന ദുരിതം കേന്ദ്രസർക്കാറി​ൻെറ ശ്രദ്ധയിൽപെടുത്തി അടിയന്തര നടപടി കൈക്കൊള്ളാമെന്നും മന്ത്രി പറഞ്ഞു. കേന്ദ്രസർക്കാറി​ൻെറ മുഴുവൻ പദ്ധതികളും നേരിട്ട് ജനങ്ങളിലേക്ക് എത്തിക്കാൻ ജനപ്രതിനിധികളും ബി.ജെ.പി പ്രവർത്തകരും മുൻകൈയെടുക്കണമെന്നും അദ്ദേഹം നിർദേശിച്ചു. ബി.ജെ.പി സംസ്ഥാന സെക്രട്ടറി അഡ്വ. പന്തളം പ്രതാപൻ, നഗരസഭ ചെയർപേഴ്സൻ സുശീല സന്തോഷ് തുടങ്ങിയവരും അദ്ദേഹത്തോടൊപ്പം ഉണ്ടായിരുന്നു. --------- ഫോട്ടോ: കേന്ദ്രമന്ത്രി വി. മുരളീധരൻ തോന്നലൂർ പാട്ടുപുരക്കാവ് ദേവീക്ഷേത്രം സന്ദർശിക്കുന്നു