മണ്ണുകടത്ത്; റോഡ് ചളിക്കുളം

വടശ്ശേരിക്കര: ലക്ഷങ്ങൾ മുടക്കി ഉന്നതനിലവാരത്തിൽ നിർമിച്ച്​ ദിവസങ്ങൾ പിന്നിടും മുമ്പേ വടശ്ശേരിക്കര കിടങ്ങൂർമൂഴി ഐത്തല റോഡ് ചളിക്കുളമായി. സമീപ പ്രദേശത്തുനിന്നും ലോറിയിൽ മണ്ണുകടത്തിക്കൊണ്ടുപോകുന്നതാണ് കാൽനടയാത്ര പോലും ദുരിതമാക്കുന്ന രീതിയിൽ റോഡ് ചളിക്കുണ്ടാകാൻ കാരണം. കിടങ്ങൂർമൂഴിക്ക്​ സമീപം നിർമാണപ്രവർത്തനങ്ങൾക്കായി മണ്ണെടുക്കുന്ന സ്ഥലത്തുനിന്നും ടിപ്പർ ലോറിയിൽ അളവിൽ കൂടുതൽ മണ്ണുകടത്തിക്കൊണ്ടുപോകുന്നുണ്ട്​. മഴക്കാലമായതിനാൽ മണ്ണുവീണ് റോഡിൽ പെട്ടെന്ന് ചളി രൂപപ്പെടുകയും വാഹനങ്ങൾ അപകടത്തിൽപെടുകയും ചെയ്യും. നിയന്ത്രണങ്ങൾ ലംഘിച്ചാണ് ഇവിടെനിന്നും മണ്ണ് കടത്തിക്കൊണ്ടുപോകുന്നതെന്നും പരാതിയുണ്ട്. പടം:കിടങ്ങുർമൂഴി ഐത്തല റോഡിൽ മണ്ണുവീണ് ചളി പിടിച്ചുകിടക്കുന്നു