ഒറ്റപ്പാലം: വാഹനം ബ്ലോക്ക് ആയതുമായി ബന്ധപ്പെട്ടുണ്ടായ വാക്ക് തർക്കത്തിനിടെ ഓട്ടോ ഡ്രൈവർ മിനി പിക്കപ്പ് ഡ്രൈവറെ വെട്ടിപ്പരിക്കേൽപ്പിച്ചു. കെ.എസ്.യു മണ്ഡലം മുൻ പ്രസിഡൻറും യൂത്ത് കോൺഗ്രസ് പ്രവർത്തകനുമായ തോട്ടക്കര മുക്കാട്ടിൽ അൻഷിഫിനാണ് (24) ഓട്ടോഡ്രൈവറുടെ ആക്രമണത്തിൽ പരിക്കേറ്റത്. ഓട്ടോ ഡ്രൈവർ അമ്പലപ്പാറ ഇരുക്കോട്ടിൽ മധുവിനെ (40) ഒറ്റപ്പാലം പൊലീസ് അറസ്റ്റ് ചെയ്തു.
രാവിലെ പത്തോടെ ഒറ്റപ്പാലത്ത് ബീവറേജസിന് മുന്നിലെ നഗരപാതയിലാണ് സംഭവം. മിനറൽ വാട്ടർ വിതരണത്തിനായി പട്ടാമ്പിയിലേക്ക് പോവുകയായിരുന്ന മിനി ടിപ്പർ ഓടിച്ചിരുന്ന അൻഷിഫും മറികടന്ന് മുന്നിലെത്തിയ ഓട്ടോ ഡ്രൈവറും തമ്മിലുണ്ടായ തർക്കമാണ് കത്തിക്കുത്തിൽ കലാശിച്ചത്.
ഓട്ടോയിൽ നിന്നിറങ്ങിയ ഡ്രൈവർ കൈയിൽ സൂക്ഷിച്ചിരുന്ന കത്തികൊണ്ട് അൻഷിഫിനെ ആക്രമിക്കുകയായിരുന്നു. കൈയിെൻറ മുകൾ ഭാഗത്തും തലക്കും പരിക്കേറ്റ അൻഷിഫിനെ ആശുപത്രിയിൽ പ്രവേശിപ്പിച്ചു. വധശ്രമത്തിന് പ്രതിയുടെ പേരിൽ കേസെടുത്തു. നഗരപാതയിൽ യു-ടേൺ നടത്താനുള്ള ശ്രമത്തിന് മിനി പിക്കപ്പ് തടസം സൃഷ്ടിച്ചതാണ് ആക്രമണത്തിന് കാരണമെന്ന് പൊലീസ് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.