കൊ​ടും​ചൂ​ടി​ൽ ക​രി​ഞ്ഞു​ണ​ങ്ങി വാ​ഴ​ത്തോ​പ്പു​ക​ൾ

ഒ​റ്റ​പ്പാ​ലം: ഗ്രാ​മീ​ണ മേ​ഖ​ല​യി​ലെ വാ​ഴ​ത്തോ​പ്പു​ക​ളും ക​ടു​ത്ത വേ​ന​ലി​ൽ ക​രി​ഞ്ഞു​ണ​ങ്ങു​ന്നു. നി​ത്യേ​ന ഉ​യ​രു​ന്ന ചൂ​ടി​ൽ വാ​ടി​യ വാ​ഴ​ക​ൾ ഒ​ടി​ഞ്ഞു​വീ​ണ് വി​ള​നാ​ശ​മു​ണ്ടാ​ക്കു​ന്ന​താ​ണ് ക​ർ​ഷ​ക​ന്റെ നെ​ഞ്ചി​ടി​പ്പ് കൂ​ട്ടു​ന്ന​ത്. ഇ​നി​യൊ​രു മ​ഴ​ക്കും ര​ക്ഷി​ച്ചെ​ടു​ക്കാ​ൻ ക​ഴി​യാ​ത്ത വി​ധം കു​ല​ച്ച​തു​ൾ​പ്പ​ടെ വാ​ഴ​ക​ൾ നാ​ശം നേ​രി​ടു​ക​യാ​ണ്.

മൂ​പ്പെ​ത്താ​ത്ത കു​ല​ക​ളാ​യ​തി​നാ​ൽ വി​ൽ​ക്കാ​നും ക​ഴി​യാ​ത്ത അ​വ​സ്ഥ​യി​ലാ​ണ് ക​ർ​ഷ​ക​ർ. നെ​ൽ​കൃ​ഷി​യേ​ക്കാ​ൾ താ​ര​ത​മ്യേ​ന മു​ട​ക്കു​മു​ത​ൽ എ​ളു​പ്പ​ത്തി​ൽ തി​രി​ച്ചെ​ടു​ക്കാ​ൻ വാ​ഴ കൃ​ഷി​ക്ക് ക​ഴി​യു​മെ​ന്ന ക​ണ​ക്ക് കൂ​ട്ട​ലാ​ണ് വ​യ​ലു​ക​ളി​ലും പാ​ട​ശേ​ഖ​ര​ങ്ങ​ളി​ലും വാ​ഴ​കൃ​ഷി​ക്ക് ക​ർ​ഷ​ക​രെ പ്രേ​രി​പ്പി​ക്കാ​റു​ള്ള​ത്. എ​ന്നാ​ൽ ക​ന​ത്ത വേ​ന​ലും ചൂ​ടും വാ​ഴ​ക​ളു​ടെ പ്രാ​ണ​നെ​ടു​ക്കു​ക​യാ​ണ്.

പ​രി​സ​ര​ങ്ങ​ളി​ലെ കു​ള​വും മ​റ്റു ജ​ലാ​ശ​യ​ങ്ങ​ളും വേ​ന​ലി​ന്റെ തു​ട​ക്ക​ത്തി​ൽ ത​ന്നെ വ​ര​ൾ​ച്ച​യി​ല​മ​ർ​ന്ന​തി​നാ​ൽ ജ​ല​സേ​ച​നം അ​സാ​ധ്യ​മാ​കു​ക​യാ​യി​രു​ന്നു. മി​ക്ക​വ​രും ബാ​ങ്കി​ൽ​നി​ന്ന് വാ​യ്‌​പ​യെ​ടു​ത്താ​ണ് പാ​ട്ട​ത്തി​നെ​ടു​ത്ത ഭൂ​മി​യി​ൽ വാ​ഴ​ക്കൃ​ഷി ഇ​റ​ക്കി​യി​രി​ക്കു​ന്ന​ത്.