അ​ഞ്ചു വ​ർ​ഷ​ത്തി​ല​ധി​ക​മാ​യി വാ​ട​ക ന​ൽ​കി​യി​ല്ല; വേ​ങ്ങ​ര വി​ദ്യാ​ഭ്യാ​സ ഉ​പ​ജി​ല്ല കാ​ര്യാ​ല​യം പെ​രു​വ​ഴി​യി​ലേ​ക്ക്

വേ​ങ്ങ​ര: സം​സ്ഥാ​ന​ത്തെ ത​ന്നെ ഏ​റ്റ​വും വ​ലി​യ ഉ​പ​ജി​ല്ല​യാ​യ വേ​ങ്ങ​ര​യി​ലെ വി​ദ്യാ​ഭ്യാ​സ കാ​ര്യാ​ല​യം കെ​ട്ടി​ടം കു​ടി​യൊ​ഴി​പ്പി​ക്ക​ൽ ഭീ​ഷ​ണി​യി​ൽ. വാ​ട​ക​ക്കെ​ട്ടി​ട​ത്തി​ൽ പ്ര​വ​ർ​ത്തി​ക്കു​ന്ന കെ​ട്ടി​ട​ത്തി​ന്റെ ഉ​ട​മ​ക്ക് അ​ഞ്ചു വ​ർ​ഷ​ത്തി​ല​ധി​ക​മാ​യി വാ​ട​ക കു​ടി​ശ്ശി​ക വ​ന്ന​തോ​ടെ​യാ​ണ് ഉ​ട​മ ഓ​ഫി​സ് ഒ​ഴി​പ്പി​ക്കാ​നു​ള്ള നീ​ക്കം ആ​രം​ഭി​ച്ച​ത്. ജൂ​ൺ ഒ​ന്ന് മു​ത​ൽ കെ​ട്ടി​ടം ഒ​ഴി​യ​ണ​മെ​ന്നാ​ണ് ഇ​പ്പോ​ൾ ഉ​ട​മ അ​ന്ത്യ​ശാ​സ​നം ന​ൽ​കി​യി​ട്ടു​ള്ള​ത്. പ്ര​തി​മാ​സം 4859 രൂ​പ നി​ര​ക്കി​ൽ 2019 ജ​നു​വ​രി മു​ത​ൽ 65 മാ​സ​ത്തെ വാ​ട​ക​യി​ന​ത്തി​ൽ നി​ല​വി​ൽ മൂ​ന്നു ല​ക്ഷ​ത്തി​ല​ധി​കം രൂ​പ കു​ടി​ശ്ശി​ക​യു​ണ്ട്. പ​ണ്ട് നി​ശ്ച​യി​ച്ച ചു​രു​ങ്ങി​യ വാ​ട​ക​യി​ൽ ഇ​ത്ര​യും കു​ടി​ശ്ശി​ക​യു​മാ​യി ഇ​നി മു​ന്നോ​ട്ടു പോ​കാ​ൻ ക​ഴി​യി​ല്ലെ​ന്ന​താ​ണ് കെ​ട്ടി​ട ഉ​ട​മ​യു​ടെ നി​ല​പാ​ട്. ഒ​രു മു​റി​ക്ക് ത​ന്നെ അ​യ്യാ​യി​രം രൂ​പ​യി​ല​ധി​കം വാ​ട​ക​യു​ള്ള, വേ​ങ്ങ​ര ടൗ​ണി​ന്റെ ഹൃ​ദ​യ ഭാ​ഗ​ത്ത് പ്ര​വ​ർ​ത്തി​ക്കു​ന്ന ഈ ​കെ​ട്ടി​ട​ത്തി​ൽ, ഇ​പ്പോ​ൾ വ​നി​ത​ക​ളു​ൾ​പ്പെ​ടെ പ​തി​ന​ഞ്ചോ​ളം ജീ​വ​ന​ക്കാ​രു​ണ്ട്.

ഉ​പ​ജി​ല്ല​യി​ൽ പ്രൈ​മ​റി, അ​പ്പ​ർ പ്രൈ​മ​റി വി​ഭാ​ഗ​ങ്ങ​ളി​ലാ​യി നൂ​റി​ന​ടു​ത്ത് വി​ദ്യാ​ല​യ​ങ്ങ​ളു​ടെ മേ​ൽ​നോ​ട്ട ചു​മ​ത​ല​യു​ള്ള ഓ​ഫി​സാ​ണ് കു​ടി​യൊ​ഴി​പ്പി​ക്ക​ൽ ഭീ​ഷ​ണി​യി​ലാ​യ​ത്. ജൂ​ൺ മൂ​ന്നി​ന് പു​തി​യ അ​ധ്യ​യ​ന വ​ർ​ഷാ​രം​ഭ​ത്തി​ൽ വി​ദ്യാ​ഭ്യാ​സ ഓ​ഫി​സ് ത​ന്നെ ഇ​ല്ലാ​താ​വു​ന്ന​തോ​ടെ ഉ​പ​ജി​ല്ല​യി​ലെ വി​ദ്യാ​ഭ്യാ​സ മേ​ഖ​ല താ​ളം തെ​റ്റാ​ൻ സാ​ധ്യ​ത​യു​ണ്ട്. എ.​ഇ.​ഒ ഓ​ഫി​സി​ന​ടു​ത്ത് സ്ഥി​തി ചെ​യ്യു​ന്ന വേ​ങ്ങ​ര ഗ​വ. ഗേ​ൾ​സ് ഹ​യ​ർ സെ​ക്ക​ൻ​ഡ​റി സ്കൂ​ളി​ലെ പ​ഴ​യ കോ​മ്പൗ​ണ്ടി​ൽ നാ​ലു മു​റി​ക​ളു​ള്ള ഇ​രു​നി​ല കോ​ൺ​ക്രീ​റ്റ് കെ​ട്ടി​ടം വ​ർ​ഷ​ങ്ങ​ളാ​യി ഉ​പ​യോ​ഗ​ശൂ​ന്യ​മാ​യി കാ​ടു​മൂ​ടി കി​ട​ക്കു​മ്പോ​ഴാ​ണ് ഉ​പ​ജി​ല്ല വി​ദ്യാ​ഭ്യാ​സ ആ​സ്ഥാ​ന കാ​ര്യാ​ല​യം അ​സൗ​ക​ര്യ​ങ്ങ​ളി​ൽ വീ​ർ​പ്പു​മു​ട്ടു​ന്ന​ത് എ​ന്ന​താ​ണ് ഏ​റെ വി​രോ​ധാ​ഭാ​സം.

1998 ൽ ​ഉ​ദ്ഘാ​ട​നം ചെ​യ്ത ഈ ​കെ​ട്ടി​ടം അ​ന്ന് മു​ത​ൽ ത​ന്നെ ഉ​പ​യോ​ഗ ശൂ​ന്യ​മാ​യി കി​ട​ക്കു​ക​യാ​ണ്. ഈ ​കെ​ട്ടി​ടം ത​ൽ​ക്കാ​ല​ത്തേ​ക്കെ​ങ്കി​ലും വി​ദ്യാ​ഭ്യാ​സ ഓ​ഫി​സി​ന് വി​ട്ടു കൊ​ടു​ത്താ​ൽ ഒ​രു പ​രി​ധി വ​രെ പ്ര​ശ്ന​പ​രി​ഹാ​ര​മാ​വും. ഈ ​കാ​ര്യം എം.​എ​ൽ.​എ ഉ​ൾ​പ്പെ​ടെ ജ​ന​പ്ര​തി​നി​ധി​ക​ളു​ടെ ശ്ര​ദ്ധ​യി​ൽ പ​ല​ത​വ​ണ കൊ​ണ്ടു​വ​ന്നെ​ങ്കി​ലും പ​രി​ഗ​ണ​ന ല​ഭി​ച്ചി​ല്ലെ​ന്നും പ​രി​ഹാ​രം ക​ണ്ടെ​ത്താ​നാ​യി​ല്ലെ​ന്നു​മാ​ണ് ജ​ന​ങ്ങ​ളു​ടെ പ​രാ​തി.