തി​രൂ​ർ പൊ​ലീ​സ് സ്റ്റേ​ഷ​ൻ പ​രി​ധി വി​ഭ​ജി​ക്ക​ണ​മെ​ന്ന് ആ​വ​ശ്യം ശ​ക്തം

തി​രൂ​ർ: അ​ധി​കാ​ര പ​രി​ധി മൂ​ലം വീ​ർ​പ്പ് മു​ട്ടു​ന്ന തി​രൂ​ർ പൊ​ലീ​സ് സ്റ്റേ​ഷ​ൻ വി​ഭ​ജി​ച്ച് തീ​ര​പ്ര​ദേ​ശം കേ​ന്ദ്ര​മാ​യി ഒ​രു സ്റ്റേ​ഷ​ൻ കൂ​ടി ആ​രം​ഭി​ക്ക​ണ​മെ​ന്ന ആ​വ​ശ്യം വീ​ണ്ടും ശ​ക്ത​മാ​കു​ന്നു. ജ​ന​സം​ഖ്യ​യി​ലെ വ​ർ​ധ​ന​വ് മൂ​ലം അ​ധി​കാ​ര പ​രി​ധി വ​ർ​ധി​ക്കു​ന്ന​ത് സ്റ്റേ​ഷ​ന്റെ ദൈ​നം​ദി​ന പ്ര​വ​ർ​ത്ത​ന​ങ്ങ​ളെ സാ​ര​മാ​യി ബാ​ധി​ക്കു​ന്നു​ണ്ട്. സം​സ്ഥാ​ന​ത്ത് നി​ര​വ​ധി പു​തി​യ പൊ​ലീ​സ് സ്റ്റേ​ഷ​നു​ക​ൾ തു​ട​ങ്ങി​യി​ട്ടും നി​ര​വ​ധി വ​ർ​ഷ​ങ്ങ​ളാ​യി കാ​ത്തി​രി​ക്കു​ന്ന തി​രൂ​ർ പൊ​ലീ​സ് സ്റ്റേ​ഷ​ൻ വി​ഭ​ജ​നം ഫ​യ​ലി​ൽ കു​രു​ങ്ങി കി​ട​ക്കു​ക​യാ​ണ്.

ആ​വ​ശ്യ​ത്തി​ന് വ​ർ​ഷ​ങ്ങ​ളു​ടെ പ​ഴ​ക്ക​മു​ണ്ടെ​ങ്കി​ലും മാ​റി മാ​റി വ​രു​ന്ന സ​ർ​ക്കാ​റു​ക​ൾ മു​ഖ​വി​ല​ക്കെ​ടു​ക്കു​ന്നി​ല്ലെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്. ഒ​രു മു​നി​സി​പ്പാ​ലി​റ്റി​യും ഏ​ഴ് പ​ഞ്ചാ​യ​ത്തു​ക​ളും ഉ​ൾ​പ്പെ​ടു​ന്ന​താ​ണ് തി​രൂ​ർ പൊ​ലീ​സ് സ്റ്റേ​ഷ​ൻ പ​രി​ധി. തി​രൂ​ർ മു​നി​സി​പ്പാ​ലി​റ്റി, വെ​ട്ടം, ത​ല​ക്കാ​ട്, മം​ഗ​ലം, പു​റ​ത്തൂ​ർ, തൃ​പ്ര​ങ്ങോ​ട് പ​ഞ്ചാ​യ​ത്തു​ക​ളും തി​രു​നാ​വാ​യ, ചെ​റി​യ​മു​ണ്ടം പ​ഞ്ചാ​യ​ത്തു​ക​ളി​ലെ പ​കു​തി​യോ​ളം വാ​ർ​ഡു​ക​ളാ​ണ് തി​രൂ​ർ പൊ​ലീ​സ് സ്റ്റേ​ഷ​ന്റെ അ​ധി​കാ​ര പ​രി​ധി​യി​ൽ വ​രു​ന്ന​ത്.

ജി​ല്ല​യി​ലെ പ്ര​ധാ​ന റെ​യി​ൽ​വേ സ്റ്റേ​ഷ​നാ​യ തി​രൂ​രും മ​റ്റൊ​രു സ്റ്റേ​ഷ​നാ​യ തി​രു​നാ​വാ​യ​യും ഉ​ൾ​പ്പെ​ടു​ന്നു​മു​ണ്ട്. അ​തു​കൊ​ണ്ട് ത​ന്നെ റെ​യി​ൽ​വേ സ്റ്റേ​ഷ​നു​ക​ളു​മാ​യി ബ​ന്ധ​പ്പെ​ട്ട് ധാ​രാ​ളം പ്ര​ശ്ന​ങ്ങ​ൾ സ്ഥി​ര​മാ​യി ഉ​ണ്ടാ​കാ​റു​ണ്ട്. ഇ​തൊ​ക്കെ തി​രൂ​ർ സ്റ്റേ​ഷ​നി​ലെ പൊ​ലീ​സു​കാ​രു​ടെ ഡ്യൂ​ട്ടി സം​ബ​ന്ധി​ച്ച് വ​ലി​യ പ്ര​യാ​സ​ങ്ങ​ളാ​ണ് ഉ​ണ്ടാ​ക്കു​ന്ന​ത്.

ജ​ന​സം​ഖ്യ​യി​ലെ വ​ർ​ധ​ന​വും പൊ​ലീ​സ് സ്റ്റേ​ഷ​നി​ലെ അം​ഗ​ബ​ല​വും താ​ര​ത​മ്യം ചെ​യ്യു​മ്പോ​ൾ വ​ലി​യ അ​ന്ത​ര​മാ​ണ് കാ​ണു​ന്ന​ത്. വ​ലി​യ പ്ര​ദേ​ശ​ങ്ങ​ൾ ഉ​ൾ​ക്കൊ​ള്ളു​ന്ന തി​രൂ​ർ സ്റ്റേ​ഷ​ൻ പ​രി​ധി​യി​ൽ ധാ​രാ​ളം കേ​സു​ക​ൾ റി​പ്പോ​ർ​ട്ട് ചെ​യ്യു​ന്ന​ത് പ​തി​വാ​ണ്. ഓ​രോ കേ​സി​ന്റെ​യും കാ​ര്യ​ക്ഷ​മ​മാ​യ അ​ന്വേ​ഷ​ണം വ​ലി​യ ബു​ദ്ധി​മു​ട്ടു​ണ്ടാ​ക്കു​ന്നു​മു​ണ്ട്. തി​രൂ​ർ ടൗ​ൺ ഉ​ൾ​പ്പെ​ടെ പ്ര​ദേ​ശ​ങ്ങ​ളി​ൽ സ്ഥി​ര​മാ​യി ഉ​ണ്ടാ​കു​ന്ന രൂ​ക്ഷ​മാ​യ ഗ​താ​ഗ​ത​ക്കു​രു​ക്ക് നി​യ​ന്ത്രി​ക്കാ​ൻ ആ​വ​ശ്യ​മാ​യ പൊ​ലീ​സി​ന്റെ സേ​വ​നം പ​ല​പ്പോ​ഴും ന​ൽ​കാ​ത്ത​ത് കാ​ര​ണം വ​ലി​യ ഗ​താ​ഗ​ത പ്ര​ശ്ന​ങ്ങ​ളും ഉ​ണ്ടാ​കു​ന്നു.

തൃ​ക്ക​ണ്ടി​യൂ​ർ ശി​വ​ക്ഷേ​ത്രം, തൃ​പ്ര​ങ്ങോ​ട്ട് ശി​വ​ക്ഷേ​ത്രം, ഹ​നു​മാ​ൻ കാ​വ് ക്ഷേ​ത്രം, തി​രു​നാ​വാ​യ ക്ഷേ​ത്രം, വൈ​ര​ങ്കോ​ട് ക്ഷേ​ത്രം, വെ​ട്ട​ത്ത് പു​തി​യ​ങ്ങാ​ടി ജാ​റം തു​ട​ങ്ങി​യ പു​ണ്യ​സ്ഥ​ല​ങ്ങ​ളി​ൽ സ്ഥി​ര​മാ​യി ധാ​രാ​ളം ഭ​ക്ത​ർ സ​ന്ദ​ർ​ശ​നം ന​ട​ത്തി​വ​രു​ന്നു​ണ്ട്.

കൂ​ടാ​തെ പ്ര​ധാ​ന ക്ഷേ​ത്ര​ങ്ങ​ളി​ൽ പ​ല​പ്പോ​ഴും പ​ല വി.​വി.​ഐ.​പി​ക​ൾ ഉ​ൾ​പ്പെ​ടെ​യു​ള്ള പ്ര​മു​ഖ വ്യ​ക്തി​ക​ൾ സ​ന്ദ​ർ​ശ​നം ന​ട​ത്തു​മ്പോ​ഴും ഗ​താ​ഗ​ത നി​യ​ന്ത്ര​ണ​ങ്ങ​ൾ​ക്കും സു​ര​ക്ഷ ഒ​രു​ക്കു​ന്ന​തി​നും ധാ​രാ​ളം പൊ​ലീ​സു​കാ​രു​ടെ സേ​വ​നം ആ​വ​ശ്യ​മാ​യി വ​രു​ന്ന​തും സ്റ്റേ​ഷ​ന്റെ ദൈ​നം​ദി​ന പ്ര​വ​ർ​ത്ത​ന​ങ്ങ​ളെ സാ​ര​മാ​യി ബാ​ധി​ക്കു​ന്നു.