മ​ല​പ്പു​റം: പ​കു​തി വി​ല​ക്ക് സ്കൂ​ട്ട​ർ, ത​യ്യ​ൽ മെ​ഷീ​ൻ, ലാ​പ് ടോ​പ് എ​ന്നി​വ വാ​ഗ്ദാ​നം ചെ​യ്ത ത​ട്ടി​പ്പി​ൽ ജി​ല്ല​യി​ലും പ​രാ​തി​ക​ൾ ഉ​യ​രു​ന്നു. വ്യാ​ഴാ​ഴ്ച വി​വി​ധ സ്​​​റ്റേ​ഷ​ൻ പ​രി​ധി​ക​ളി​ലാ​യി നൂ​റി​ല​ധി​കം പേ​രാ​ണ്​ പ​രാ​തി​യു​മാ​യി വ​ന്ന​ത്. പെ​രി​ന്ത​ൽ​മ​ണ്ണ, കൊ​​​ണ്ടോ​ട്ടി, ​നി​ല​മ്പൂ​ർ, ​കൊ​ള​ത്തൂ​ർ, എ​ട​ക്ക​ര, പെ​രു​മ്പ​ട​പ്പ്, താ​നൂ​ർ തു​ട​ങ്ങി​യ സ്​​റ്റേ​ഷ​ൻ പ​രി​ധി​ക​ളി​ലാ​ണ്​ കൂ​ടു​ത​ൽ പ​രാ​തി​ക​ൾ. വ​രും ദി​വ​സ​ങ്ങ​ളി​ൽ കൂ​ടു​ത​ൽ പ​രാ​തി​ക​ൾ ഉ​യ​രു​മെ​ന്നാ​ണ്​ സൂ​ച​ന.

എ​ൻ.​ജി.​ഒ അം​ഗ​ങ്ങ​ളി​ൽ​നി​ന്ന്​ ശേ​ഖ​രി​ച്ച ക​ണ​ക്കു​ക​ൾ പ്ര​കാ​രം ജി​ല്ല​യി​ൽ 50 കോ​ടി​​യോ​ളം രൂ​പ പ​ദ്ധ​തി വ​ഴി അ​പേ​ക്ഷി​ച്ച​വ​ർ​ക്ക്​ ന​ഷ്ട​പ്പെ​ട്ടി​ട്ടു​ണ്ടെ​ന്നാ​ണ്​ വി​വ​രം. ആ​ദ്യം അ​പേ​ക്ഷി​ച്ച​വ​ർ​ക്ക്​ സ്കൂ​ട്ട​റും മ​റ്റും വ​സ്​​തു​ക്ക​ളും ല​ഭ്യ​മാ​യി​ട്ടു​ണ്ട്. ജി​ല്ല​യി​ൽ 19 ട്ര​സ്റ്റു​ക​ൾ​ക്ക്​ കീ​ഴി​ലാ​ണ്​ പ​ദ്ധ​തി ന​ട​പ്പാ​ക്കു​ന്ന​ത്. ഇ​തി​ൽ മ​ല​പ്പു​റം കേ​ന്ദ്ര​മാ​ക്കി പ്ര​വ​ർ​ത്തി​ക്കു​ന്ന ട്ര​സ്റ്റി​ന് കീ​ഴി​ൽ ആ​നു​കൂ​ല്യം കാ​ത്തി​രി​ക്കു​ന്ന​ത് 1,022 പേ​രാ​ണ്. ലാ​പ് ടോ​പ്, ഗൃ​ഹോ​പ​ക​ര​ണ​ങ്ങ​ൾ, മൊ​ബൈ​ൽ ഫോ​ൺ, സ്കൂ​ട്ട​ർ അ​ട​ക്ക​മു​ള്ള​തി​നാ​ണ് ഇ​ത്ര​യും ഗു​ണ​ഭോ​ക്താ​ക്ക​ളു​ള്ള​ത്. 2024 ന​വം​ബ​റി​ലാ​ണ് ആ​നു​കൂ​ല്യം തേ​ടി മ​ല​പ്പു​റ​ത്തെ കേ​ന്ദ്ര​ത്തി​ൽ ഇ​ത്ര​യും അ​പേ​ക്ഷ​ക​രെ​ത്തി​യ​ത്. നേ​ര​ത്തെ ന​ട​ത്തി​യ ആ​നു​കൂ​ല്യ വി​ത​ര​ണം വി​ജ​യ​ക​ര​മാ​യി ക​ണ്ട​തോ​ടെ​യാ​ണ് കൂ​ടു​ത​ൽ പേ​ർ ട്ര​സ്റ്റി​നെ സ​മീ​പി​ച്ച​ത്. അ​പേ​ക്ഷ ന​ൽ​കി പ​ണ​മ​ട​ച്ചാ​ൽ ഏ​ഴ് മാ​സ​ത്തി​ന​കം സാ​ധ​ന​ങ്ങ​ൾ വി​ത​ര​ണം ചെ​യ്യു​മെ​ന്ന​താ​യി​രു​ന്നു ഗു​ണ​ഭോ​ക്താ​ക്ക​ൾ​ക്ക് ന​ൽ​കി​യി​രു​ന്ന നി​ർ​ദേ​ശം.

സ്കൂ​ട്ട​റി​നാ​യി 380, ഗൃ​ഹോ​പ​ക​ര​ണ​ങ്ങ​ൾ​ക്കാ​യി 357, മൊ​ബൈ​ൽ ഫോ​ണു​ക​ൾ​ക്കാ​യി 111, ലാ​പ് ടോ​പ്പു​ക​ൾ​ക്കാ​യി 174 അ​പേ​ക്ഷ​ക​രു​ണ്ട്. എ​ല്ലാ ഉ​ൽ​പ​ന്ന​ങ്ങ​ളു​ടെ​യും 50 ശ​ത​മാ​നം തു​ക​യും ഗു​ണ​ഭോ​ക്താ​ക്ക​ളി​ൽ​നി​ന്ന് സ്വീ​ക​രി​ച്ച് ബ​ന്ധ​പ്പെ​ട്ട​വ​രു​ടെ അ​ക്കൗ​ണ്ടി​ലേ​ക്ക് കൈ​മാ​റി​യി​ട്ടു​ണ്ടെ​ന്ന് അ​ധി​കൃ​ത​ർ അ​റി​യി​ച്ചു. സ്കൂ​ട്ട​റി​ന് 40000 രൂ​പ മു​ത​ൽ 65000 രൂ​പ വ​രെ ന​ൽ​കി​യ​വ​രു​ണ്ട്. ലാ​പ്​​ടോ​പ്പി​ന്​ 20000 രൂ​പ​യാ​ണ്​ ശ​രാ​ശ​രി വാ​ങ്ങി​യ​ത്. മൂ​ന്ന്​ മാ​സ​ത്തി​നു​ള്ളി​ൽ സാ​ധ​നം ല​ഭി​ക്കു​മെ​ന്ന്​ വി​ശ്വ​സി​ച്ചാ​ണ്​ പ​ല​രും പ​ണം ന​ൽ​കി​യ​ത്.

പ​ണം ആ​വ​ശ്യ​പ്പെ​ട്ട്​ കൂ​ട്ട​വി​ളി

ത​ട്ടി​പ്പ് വി​വ​രം പു​റ​ത്ത് വ​ന്ന​തോ​ടെ നി​ര​വ​ധി പേ​രാ​ണ് ത​ങ്ങ​ളു​ടെ പ​ണം തി​രി​കെ ആ​വ​ശ്യ​പ്പെ​ട്ട് ട്ര​സ്റ്റു​ക​ളെ സ​മീ​പി​ക്കു​ന്ന​ത്. തു​ക കൈ​വ​ശ​മി​ല്ലാ​ത്ത​തി​നാ​ൽ കാ​ര്യ​ങ്ങ​ൾ പ​റ​ഞ്ഞ് ട്ര​സ്റ്റ്​ അ​ധി​കൃ​ത​ർ തി​രി​ച്ച​യ​ക്കു​ക​യാ​ണ്. വി​ഷ​യ​ത്തി​ൽ ഫ​ണ്ട് കൈ​പ്പ​റ്റി​യ ഏ​ജ​ൻ​സി​യി​ൽ​നി​ന്ന് തു​ക തി​രി​ച്ച് ല​ഭി​ക്കാ​ൻ ന​ട​പ​ടി സ്വീ​ക​രി​ക്ക​ണ​മെ​ന്ന് ആ​വ​ശ്യ​പ്പെ​ട്ട് ട്ര​സ്റ്റ് ഭാ​ര​വാ​ഹി​ക​ൾ ജി​ല്ല പൊ​ലീ​സ് മേ​ധാ​വി, മ​ല​പ്പു​റം ഡി​വൈ.​എ​സ്.​പി എ​ന്നി​വ​ർ​ക്ക് പ​രാ​തി ന​ൽ​കി​യി​ട്ടു​ണ്ട്. കൊ​ണ്ടോ​ട്ടി​യി​ൽ​ പ​ണം തി​രി​കെ ആ​വ​ശ്യ​പ്പെ​ട്ട്​ ഓ​ഫി​സി​ലെ​ത്തി​യ​വ​രോ​ട്​ റീ​ഫ​ണ്ടി​ന് അ​പേ​ക്ഷ സ​മ​ർ​പ്പി​ക്കാ​നാ​ണ്​ നി​ർ​ദേ​ശം ന​ൽ​കി​യ​ത്. എ​ല്ലാ ട്ര​സ്റ്റു​ക​ളും പ​ണം തി​രി​കെ ന​ൽ​കു​മെ​ന്ന പ്ര​തീ​ക്ഷ​യാ​ണ്​ ഗു​ണ​ഭോ​ക്താ​ക്ക​ൾ​ക്ക്​ ന​ൽ​കു​ന്ന​ത്.

അ​മ​ര​മ്പ​ല​ത്ത് ​തട്ടി​പ്പി​നി​ര​യാ​യ​ത്​ 26 സ്ത്രീ​ക​ൾ

പൂ​ക്കോ​ട്ടും​പാ​ടം: പ​കു​തി വി​ല​ക്ക് സ്കൂ​ട്ട​ർ ത​ട്ടി​പ്പി​ൽ അ​മ​ര​മ്പ​ലം ക​വ​ള​മു​ക്ക​ട്ട വാ​യ​ന​ശാ​ല വ​ഴി 26 സ്ത്രീ​ക​ളാ​ണ് ത​ട്ടി​പ്പി​നി​ര​യാ​യ​ത്. വാ​യ​ന​ശാ​ല ക​ള​മ​ശേ​രി പ്ര​ഫ​ഷ​ന​ൽ സ​ർ​വി​സ് ഇ​ന്ന​വേ​ഷ​ൻ ഏ​ജ​ൻ​സി​യു​മാ​യി സ​ഹ​ക​രി​ച്ച് ആ​ദ്യ ഘ​ട്ട​ത്തി​ൽ 10 വ​നി​ത​ക​ൾ​ക്ക് പ​കു​തി വി​ല​ക്ക് സ്കൂ​ട്ട​ർ എ​ത്തി​ച്ചു ന​ൽ​കി​യി​രു​ന്നു. എ​ന്നാ​ൽ ര​ണ്ടാം ഘ​ട്ട​ത്തി​ൽ 26 വ​നി​ത​ക​ൾ പ​ദ്ധ​തി​യി​ൽ ര​ജി​സ്റ്റ​ർ ചെ​യ്യു​ക​യും സ്കൂ​ട്ട​റി​ന്‍റെ സി.​സി​ക്ക​നു​സ​രി​ച്ച് 57,000, 60,000 രൂ​പ നി​ര​ക്കി​ൽ പ​ണം അ​ട​ക്കു​ക​യും ചെ​യ്തു. വാ​യ​ന​ശാ​ല​യും അ​ക്കൗ​ണ്ട് വ​ഴി ര​ണ്ടു ത​വ​ണ​ക​ളി​ലാ​യി 9.40 ല​ക്ഷ​വും, 5.92 ല​ക്ഷം രൂ​പ​യും ന​ൽ​കി. മൂ​ന്നു മാ​സ​ത്തി​ന​കം സ്കൂ​ട്ട​ർ ല​ഭി​ക്കു​മെ​ന്ന് പ​റ​ഞ്ഞെ​ങ്കി​ലും ഏ​ഴു മാ​സം ക​ഴി​ഞ്ഞി​ട്ടും സ്കൂ​ട്ട​റെ​ത്തി​യി​ല്ല. എ​ന്നാ​ൽ വാ​യ​ന​ശാ​ല സെ​ക്ര​ട്ട​റി ടി.​എ. മു​ഹ​മ്മ​ദ് അ​സു​ഖ ബാ​ധി​ത​നാ​യി ആ​ശു​പ​ത്രി​യി​ൽ ചി​കി​ത്സ​യി​ലാ​യ​തോ​ടെ ക​മ്പ​നി​യു​മാ​യി ബ​ന്ധ​പ്പെ​ടാ​നും സാ​ധി​ച്ചി​ല്ല. ഇ​പ്പോ​ൾ ത​ട്ടി​പ്പ് മാ​ധ്യ​മ​ങ്ങ​ൾ വ​ഴി പ്ര​ച​രി​ച്ച​തോ​ടെ​യാ​ണ് പ​ണം ന​ൽ​കി​യ വ​നി​ത​ക​ൾ പ​റ്റി​ക്ക​പ്പെ​ട്ട വി​വ​രം അ​റി​യു​ന്ന​ത്. ഇ​തോ​ടെ വാ​യ​ന​ശാ​ല ഭാ​ര​വാ​ഹി​ക​ൾ വ​നി​ത​ക​ളു​ടെ യോ​ഗം ചേ​ർ​ന്ന് പൂ​ക്കോ​ട്ടും​പാ​ടം പൊ​ലീ​സി​നും, എ​സ്.​പി, ഡി​വൈ.​എ​സ്.​പി എ​ന്നി​വ​ർ​ക്കും പ​രാ​തി ന​ൽ​കാ​നി​രി​ക്കു​ക​യാ​ണ്. ഇ​തി​നു മു​മ്പും വാ​യ​ന​ശാ​ല വ​ഴി ലാ​പ്ടോ​പ്, ത​യ്യ​ൽ യ​ന്ത്രം എ​ന്നി​വ​യും വി​ത​ര​ണം ചെ​യ്തി​രു​ന്നു.

‘പ​ണം ന​ൽ​കാ​ൻ സാ​വ​കാ​ശം ന​ൽ​ക​ണം’

മ​ല​പ്പു​റം: ഗു​ണ​ഭോ​ക്താ​ക്ക​ൾ​ക്ക്​ എ​ല്ലാ​വ​ർ​ക്കും ന​ഷ്ട​മാ​യ പ​ണം തി​രി​ച്ചു​ന​ൽ​കാ​ൻ ത​ങ്ങ​ൾ ക​ഠി​ന​ശ്ര​മം ന​ട​ത്തു​ക​യാ​ണെ​ന്ന് പ​ദ്ധ​തി​യി​ൽ അം​ഗ​മാ​യ ഒ​രു​ എ​ൻ.​ജി.​ഒ അം​ഗം പ​റ​ഞ്ഞു. ത​ങ്ങ​ളെ മോ​ശ​ക്കാ​രാ​ക്കി ചി​ത്രീ​ക​രി​ക്കാ​ൻ ശ്ര​മം ന​ട​ക്കു​ന്നു​ണ്ട്. മു​തി​ർ​ന്ന രാ​ഷ്ട്രീ​യ​ക്കാ​രും റി​ട്ട. ജ​ഡ്​​ജി​മാ​രു​മ​ട​ക്കം ഉ​ള്ള​വ​ർ വ​രെ പ​ദ്ധ​തി​ക്ക്​ മു​ന്നി​ൽ നി​ന്നി​ട്ടു​ണ്ട്. ഇ​വ​രെ​ല്ലാം കൂ​ടെ ഉ​ണ്ടെ​ന്ന​റി​ഞ്ഞ​പ്പോ​ഴാ​ണ്​ എ​ല്ലാ​വ​ർ​ക്കും വി​ശ്വാ​സം കൂ​ടി​യ​ത്.

ന​ഷ്ട​പ്പെ​ട്ട​വ​രു​ടെ പ​ണം ന​ൽ​കാ​ൻ പൊ​ലീ​സി​ന്‍റെ​യും ജ​ന​പ്ര​തി​നി​ധി​ക​ളു​ടെ​യും സ​മ​വാ​യ​ത്തി​ൽ ച​ർ​ച്ച ചെ​യ്ത്​ ട്ര​സ്റ്റു​ക​ൾ​ക്ക്​ സാ​വ​കാ​ശം ന​ൽ​ക​ണ​മെ​ന്നും ട്ര​സ്റ്റ്​ അം​ഗ​ങ്ങ​ൾ ആ​വ​ശ്യ​പ്പെ​ടു​ന്നു​ണ്ട്. ല​ഭ്യ​മാ​യ പ​ണം വെ​ച്ച്​ ചി​ല​ർ​ക്ക്​ തി​രി​കെ ന​ൽ​കി തു​ട​ങ്ങി​യി​ട്ടു​ണ്ടെ​ന്നും ചി​ല ട്ര​സ്റ്റ്​ അം​ഗ​ങ്ങ​ൾ പ​റ​ഞ്ഞു.