പുതുമോടിയിൽ റെയിൽവേ സ്റ്റേഷനുകൾ തിരൂർ, പരപ്പനങ്ങാടി, നിലമ്പൂർ പ്രധാനമന്ത്രി നാടിന് സമർപ്പിച്ചു

തിരൂർ: അമൃത് ഭാരത് സ്റ്റേഷൻ പദ്ധതിയുടെ ഭാഗമായി 26.5 കോടി രൂപ ചെലവഴിച്ച് മോടി കൂട്ടിയ തിരൂർ റെയിൽവേ സ്റ്റേഷൻ പ്രധാനമന്ത്രി നരേന്ദ്ര മോദി വെള്ളിയാഴ്ച ഉച്ചക്ക് 3.30ന് ഓൺലൈൻ മുഖേന രാജ്യത്തിന് സമർപ്പിച്ചു. തിരൂരിൽ പ്രത്യേകം സജ്ജീകരിച്ച സംവിധാനത്തിലൂടെ ഉദ്ഘാടനച്ചടങ്ങ് തത്സമയം പ്രദർശിപ്പിച്ചു. പൊന്നാനി എം.പി ഡോ. എം.പി. അബ്ദുസ്സമദ് സമദാനി ശിലാഫലകം അനാച്ഛാദനം ചെയ്തു.

കുറുക്കോളി മൊയ്തീൻ എം.എൽ.എ, തിരൂർ നഗരസഭ ചെയർമാൻ കീഴേടത്തിൽ ഇബ്രാഹിം ഹാജി, വൈസ് ചെയർപേഴ്സൻ സിന്ധു മംഗലശ്ശേരി, പാലക്കാട് റെയിൽവേ ഡിവിഷൻ പ്രിൻസിപ്പൽ ചീഫ് സേഫ്റ്റി ഓഫീസർ ലളിത് കുമാർ മൻസുഖാനി, സീനിയർ ഡിവിഷണൽ കോഓർഡിനേറ്റർ മുഹമ്മദ് അസ്ലം എന്നിവർ സംസാരിച്ചു.

അമൃത് ഭാരത് പദ്ധതിയുടെ ഭാഗമായി സ്റ്റേഷനിൽ സമഗ്ര നവീകരണമാണ് നടപ്പാക്കിയത്. സ്റ്റേഷൻ കെട്ടിടം, പ്ലാറ്റ്ഫോമുകൾ, പരിസരം എന്നിവ സൗന്ദര്യവൽക്കരിക്കുകയും ആധുനികവത്കരിക്കുകയും ചെയ്തു. തിരൂരിന് പുറമെ പരപ്പനങ്ങാടി, നിലമ്പൂർ റെയിൽവേ സ്റ്റേഷനുകളുടെ ഉദ്ഘാടനവും വെള്ളിയാഴ്ച നടന്നു. നവീകരിച്ച കുറ്റിപ്പുറം സ്റ്റേഷൻ നേരത്തെ തന്നെ യാത്രക്കാർക്കായി തുറന്നു നൽകിയിരുന്നു.

പ്ര​ധാ​ന ട്രെ​യി​നു​ക​ൾ​ക്ക് തി​രൂ​രി​ൽ സ്റ്റോ​പ്പ്: പ​രി​ശ്ര​മം തു​ട​രു​മെ​ന്ന് സ​മ​ദാ​നി

തി​രൂ​ർ: തി​രൂ​രി​ൽ നി​ല​വി​ൽ സ്റ്റോ​പ്പി​ല്ലാ​ത്ത പ്ര​ധാ​ന ട്രെ​യി​നു​ക​ൾ​ക്ക് സ്റ്റോ​പ്പ് അ​നു​വ​ദി​ക്കു​ന്ന​തു​വ​രെ പ​രി​ശ്ര​മം തു​ട​രു​മെ​ന്ന് പൊ​ന്നാ​നി എം.​പി. ഡോ. ​എം.​പി. അ​ബ്ദു​സ്സ​മ​ദ് സ​മ​ദാ​നി പ​റ​ഞ്ഞു. അ​മൃ​ത് ഭാ​ര​ത് പ​ദ്ധ​തി​യു​ടെ ഭാ​ഗ​മാ​യി ന​വീ​ക​രി​ച്ച തി​രൂ​ർ റെ​യി​ൽ​വേ സ്റ്റേ​ഷ​ന്റെ ഉ​ദ്ഘാ​ട​ന​ച്ച​ട​ങ്ങി​ൽ ശി​ലാ​ഫ​ല​കം അ​നാ​ച്ഛാ​ദ​നം ചെ​യ്യു​ക​യാ​യി​രു​ന്നു അ​ദ്ദേ​ഹം. ഒ​ന്നാം വ​ന്ദേ​ഭാ​ര​ത് എ​ക്സ്പ്ര​സി​നും രാ​ജ​ധാ​നി എ​ക്സ്പ്ര​സി​നും ഉ​ൾ​പ്പെ​ടെ പ്ര​ധാ​ന ട്രെ​യി​നു​ക​ൾ​ക്ക് തി​രൂ​രി​ൽ ഉ​ട​ൻ സ്റ്റോ​പ്പ് ല​ഭി​ക്കു​മെ​ന്ന പ്ര​തീ​ക്ഷ​യു​ണ്ടെ​ന്നും അ​ദ്ദേ​ഹം വ്യ​ക്ത​മാ​ക്കി.