ബോ​ട്ടു​ക​ൾ കടലി​ൽ പോ​യ് വ​രും, വ​ല നി​റ​യെ പ്ലാ​സ്റ്റി​ക്കു​മാ​യി

പൊ​ന്നാ​നി: ക​ട​ലി​ൽ പോ​യ് വ​രു​മ്പോ​ൾ വ​ല നി​റ​യെ മീ​ൻ കൊ​ണ്ടു​വ​രു​മെ​ന്ന പാ​ട്ടെ​ല്ലാം പ​ഴ​ങ്ക​ഥ​യാ​യി. ഇ​പ്പോ​ൾ മ​ത്സ്യ​ബ​ന്ധ​നം ക​ഴി​ഞ്ഞ് മ​ട​ങ്ങു​മ്പോ​ൾ വ​ല നി​റ​യെ ല​ഭി​ക്കു​ന്ന​ത് പ്ലാ​സ്റ്റി​ക്. ആ​ഴ​ക്ക​ട​ലി​ൽ പ്ര​തീ​ക്ഷ​യോ​ടെ വ​ല​യെ​റി​യു​ന്ന തൊ​ഴി​ലാ​ളി​ക​ൾ​ക്കാ​ണ് പ്ലാ​സ്റ്റി​ക് കു​പ്പി​ക​ളും മാ​ലി​ന്യ​വും യ​ഥേ​ഷ്ടം ല​ഭി​ക്കു​ന്ന​ത്. ഇ​തുമൂ​ലം വ​ല മു​റി​യു​ന്ന​തു​ൾ​പ്പെ​ടെ വ​ൻന​ഷ്ട​മാ​ണുണ്ടാ​വു​ന്ന​ത്. ഗു​രു​ത​ര​ പ​രി​സ്ഥി​തി മ​ലി​നീ​ക​ര​ണ​മാ​ണ് ക​ട​ലി​ൽ സം​ഭ​വി​ക്കു​ന്ന​തെ​ന്നാ​ണ് വി​ദ​ഗ്ധ​ർ പ​റ​യു​ന്ന​ത്.

ജ​ലാ​ശ​യ​ങ്ങ​ളി​ലേ​ക്ക് വ​ലി​ച്ചെ​റി​യു​ന്ന പ്ലാ​സ്റ്റി​ക് മാ​ലി​ന്യം കൂ​ട്ട​മാ​യി ക​ട​ലി​ൽ ഒ​ഴു​കി​യെ​ത്തു​കയാണ്. ഇ​ത് മ​ത്സ്യ​ങ്ങ​ൾ​ക്കും ഭീ​ഷ​ണിയാകുന്നു. മ​ത്സ്യ​ങ്ങ​ൾ ചെ​റി​യ പ്ലാ​സ്റ്റി​ക് വ​സ്തു​ക്ക​ൾ വി​ഴു​ങ്ങു​ന്ന​ത് വം​ശ​നാ​ശ ഭീ​ഷ​ണി​ക്കും ഇ​ട​യാ​ക്കു​ന്നു​ണ്ട്. വ​ർ​ഷ​ങ്ങ​ളാ​യി ക​ട​ലി​ൽ മ​ത്സ്യ​ല​ഭ്യ​ത കു​റ​യു​ന്ന​തി​നും ഇ​ത്ത​രം പാ​രി​സ്ഥി​തി​ക മ​ലി​നീ​ക​ര​ണം വ​ഴി​യൊ​രു​ക്കു​ന്നു​വെ​ന്നാ​ണ് മ​ത്സ്യ​ത്തൊ​ഴി​ലാ​ളി​ക​ൾ പ​റ​യു​ന്ന​ത്.

ഓ​രോ ക​ട​ലാ​ക്ര​മ​ണ​ത്തി​ലും ലോ​ഡു​ക​ണ​ക്കി​ന് മാ​ലി​ന്യ​മാ​ണ് ക​ര​യി​ലെ​ത്തു​ന്ന​ത്. ഇത് ത​ട​യാ​ൻ പൊ​ന്നാ​നി ന​ഗ​ര​സ​ഭ പ​ദ്ധ​തി ആ​വി​ഷ്ക​രി​ച്ചി​രു​ന്നെ​ങ്കി​ലും വി​ജ​യം ക​ണ്ടി​ല്ല. മ​ത്സ്യ​ബ​ന്ധ​ന​ത്തി​നി​ടെ ല​ഭി​ക്കു​ന്ന പ്ലാ​സ്റ്റി​ക് ക​ര​യി​ലെ​ത്തി​ച്ചാ​ൽ പാ​രി​തോ​ഷി​കം ന​ൽ​കു​മെ​ന്നാ​ണ് ന​ഗ​ര​സ​ഭ അ​റി​യി​ച്ചി​രു​ന്നെ​ങ്കി​ലും ന​ട​പ്പി​ലാ​യി​ല്ല.