ഷൗക്കത്തിനും അൻവറിനും നിർണായകം; മുസ്‍ലിം ലീഗിന് ‘പ്രസ്റ്റീജ് ഇഷ്യൂ’

നി​ല​മ്പൂ​ർ: ആ​ര്യാ​ട​ൻ ഷൗ​ക്ക​ത്തി​ന്റെ​യും പി.​വി. അ​ൻ​വ​റി​ന്റെ​യും രാ​ഷ്ട്രീ​യ​ഭാ​വി എ​ന്താ​കു​മെ​ന്ന​തി​ന്റെ​കൂ​ടി ഉ​ത്ത​ര​മാ​കും ഉ​പ​തെ​ര​ഞ്ഞെ​ടു​പ്പ് ഫ​ലം. മു​സ്‌​ലിം ലീ​ഗ് പ്ര​വ​ർ​ത്ത​ക​ർ ഏ​റെ അ​ധ്വാ​നി​ച്ചി​ട്ടും വി​ജ​യി​ച്ചി​ല്ലെ​ങ്കി​ൽ ആ​ര്യാ​ട​ൻ ഷൗ​ക്ക​ത്തി​ന് തി​രി​ച്ചു​വ​ര​വ് എ​ളു​പ്പ​മാ​കി​ല്ല. 10,000 വോ​ട്ടെ​ങ്കി​ലും കി​ട്ടി​യി​ല്ലെ​ങ്കി​ൽ ‘അ​ൻ​വ​റി​സ’​ത്തി​നും അ​വ​സാ​ന​മാ​കും. അ​ൻ​വ​ർ കാ​ര്യ​മാ​യ വോ​ട്ട് പി​ടി​ക്കാ​തി​രി​ക്കു​ക​യും യു.​ഡി.​എ​ഫ് ജ​യി​ക്കു​ക​യും ചെ​യ്താ​ൽ വി.​ഡി. സ​തീ​ശ​ന് ക​രു​ത്താ​കും.

ഷൗ​ക്ക​ത്തി​ന്റെ തോ​ൽ​വി​ക്ക്, താ​ൻ പി​ടി​ക്കു​ന്ന വോ​ട്ട് കാ​ര​ണ​മാ​യാ​ൽ അ​ൻ​വ​റി​ന് പി​ടി​ച്ചു​നി​ൽ​ക്കാം. എ​ങ്കി​ലും ‘പി​ണ​റാ​യി​സ​ത്തി​നെ​തി​രെ’ അ​ഞ്ച​ക്ക വോ​ട്ടെ​ങ്കി​ലും കി​ട്ടി​യേ മ​തി​യാ​കൂ അ​ൻ​വ​റി​ന് എ​ന്ന​താ​ണ് സ്ഥി​തി. എ​ൽ.​ഡി.​എ​ഫ് ജ​യി​ക്കു​ക​യും താ​ൻ 15,000ത്തി​ല​ധി​കം വോ​ട്ട് നേ​ടു​ക​യും ചെ​യ്താ​ൽ ‘പി​ണ​റാ​യി​സ​ത്തി​നെ​തി​രെ’ ത​ന്നോ​ടൊ​പ്പം ജ​ന​മു​ണ്ടെ​ന്ന് അ​ൻ​വ​ർ അ​വ​കാ​ശ​പ്പെ​ടും.

മ​ല​പ്പു​റം ജി​ല്ല​യി​ൽ ന​ട​ക്കു​ന്ന ഉ​പ​തെ​ര​ഞ്ഞെ​ടു​പ്പി​ൽ ജ​യ​മി​ല്ലെ​ങ്കി​ൽ ലീ​ഗി​ന്റെ സ്വാ​ധീ​നം ചോ​ദ്യം​ചെ​യ്യ​പ്പെ​ടും. സ​ർ​ക്കാ​റി​നെ​തി​രാ​യ വി​കാ​രം അ​ൻ​വ​റി​ലേ​ക്ക് പോ​കാ​തെ, യു.​ഡി.​എ​ഫി​ലേ​ക്ക് സ​മാ​ഹ​രി​ക്കാ​ൻ പി.​കെ. കു​ഞ്ഞാ​ലി​ക്കു​ട്ടി ത​ന്നെ പ്ര​വ​ർ​ത്ത​ക​ർ​ക്ക് നി​ർ​ദേ​ശം ന​ൽ​കി​യി​ട്ടു​ണ്ട്.

ഉ​പ​തെ​ര​ഞ്ഞെ​ടു​പ്പ് ന​ട​ന്ന തൃ​ക്കാ​ക്ക​ര​യി​ലും പു​തു​പ്പ​ള്ളി​യി​ലും ലീ​ഗി​ന് കാ​ര്യ​മാ​യ സ്വാ​ധീ​ന​മു​ണ്ടാ​യി​രു​ന്നി​ല്ല. എ​ന്നാ​ൽ, പാ​ല​ക്കാ​ട്ട് ലീ​ഗ് കേ​ന്ദ്ര​ങ്ങ​ളി​ൽ യു.​ഡി.​എ​ഫ് വോ​ട്ട് വ​ർ​ധി​ച്ചു. നി​ല​മ്പൂ​രി​ൽ ഭൂ​രി​പ​ക്ഷം പ്ര​തീ​ക്ഷി​ക്കു​ന്ന മൂ​ത്തേ​ടം, വ​ഴി​ക്ക​ട​വ് എ​ന്നി​വി​ട​ങ്ങ​ളെ​ല്ലാം ലീ​ഗ് കേ​ന്ദ്ര​ങ്ങ​ളാ​ണ്. ഈ ​നി​യ​മ​സ​ഭ​യു​ടെ കാ​ല​ത്തെ ഉ​പ​തെ​ര​ഞ്ഞെ​ടു​പ്പി​ലെ​ല്ലാം സി​റ്റി​ങ് സീ​റ്റു​ക​ൾ അ​ത​ത് പാ​ർ​ട്ടി​ക​ൾ​ത​ന്നെ കൈ​വ​ശം​വെ​ച്ചു. എ​ന്നാ​ൽ, സി​റ്റി​ങ് എം.​എ​ൽ.​എ മു​ന്ന​ണി വി​ട്ട് സ്വ​ത​ന്ത്ര​നാ​യി മ​ത്സ​രി​ച്ച​തോ​ടെ നി​ല​മ്പൂ​രി​ൽ ജ​യം ഇ​രു​പ​ക്ഷ​ത്തി​നും അ​ഭി​മാ​ന​പ്ര​ശ്ന​മാ​യി.