മഞ്ചേരി: മേലാക്കത്ത് തെരുവു നായ്ക്കളുടെ ആക്രമണം. മൂന്നുപേർക്ക് കടിയേറ്റു. തിങ്കളാഴ്ച രാവിലെയാണ് നായ്ക്കൾ ഭീതിപരത്തിയത്. മേലാക്കത്ത് വീടിന്റെ മുന്നിൽ നിൽക്കുകയായിരുന്ന ദമ്പതികൾക്കാണ് ആദ്യം കടിയേറ്റത്. ഇവർ മഞ്ചേരി മെഡിക്കൽ കോളജ് ആശുപത്രിയിൽ ചികിത്സ തേടി.
തൊട്ടുപിന്നാലെ കാൽനടയാത്രക്കാരന് കടിയേറ്റു. കാളികാവ് ക്ഷേത്രം റോഡിലൂടെ എത്തിയ വാഹനങ്ങൾക്ക് നേരെയും നായ്ക്കൾ തിരിഞ്ഞു. എക്സൈസ് ഓഫിസിനു സമീപത്തെ ആളൊഴിഞ്ഞ പറമ്പാണ് ഇവയുടെ താവളമെന്ന് നാട്ടുകാർ പറയുന്നു. നഗരത്തിൽ തെരുവുനായ് ശല്യം രൂക്ഷമാണ്. മലപ്പുറം റോഡ്, മെഡിക്കൽ കോളജ് പരിസരം, ഡോക്ടേഴ്സ് കോളനി എന്നിവിടങ്ങളിലെല്ലാം നായ്ക്കൾ കൂട്ടമായി എത്തുന്നുണ്ട്. കഴിഞ്ഞ ദിവസം മുള്ളമ്പാറയിൽ മൂന്ന് അലങ്കാരക്കോഴികളെ നായ്ക്കൾ കടിച്ചിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.