മലപ്പുറം ഗവ. കോളജ് കൂട്ടായ്മ നിലമ്പൂർ ചന്തക്കുന്ന് ചാരൻകുളത്ത് നിർമിച്ച വീട്
മലപ്പുറം: കഴിഞ്ഞ വർഷം നിലമ്പൂരിലുണ്ടായ പ്രളയത്തിൽ വീട് നഷ്ടപ്പെട്ട കുടുംബത്തിന് ഏഴര ലക്ഷം രൂപ ചെലവിൽ മലപ്പുറം ഗവ. കോളജ് കൂട്ടായ്മ വീടു നിർമിച്ചുനൽകി.
നിലമ്പൂർ നഗരസഭയിലെ അഞ്ചാം വാർഡിൽ ചന്തക്കുന്ന് ചാരൻകുളത്താണ് 'സ്നേഹക്കൂട്' നിർമിച്ചത്. തിങ്കളാഴ്ച പി.വി. അൻവർ എം.എൽ.എയുടെ സാന്നിധ്യത്തിൽ പ്രിൻസിപ്പൽ ഡോ. കെ.കെ. ദാമോദരൻ താക്കോൽ കൈമാറി.
കൗൺസിലർമാരായ സമീറ, മുജീബ് ദേവശ്ശേരി, കോളജ് ഭവനനിർമാണസമിതി കൺവീനർ ലെഫ്. ജാഫറലി, മൊയ്തീൻകുട്ടി കല്ലറ, ഡോ. സൈനുൽ ആബിദ് കോട്ട, ഡോ. കെ. മുഹമ്മദ്, ഡോ. അബ്ദുൽ ഹമീദ്, യൂനിയൻ ചെയർമാൻ മുഹമ്മദ് അൻസബ്, നാസർ തുടങ്ങിയവർ സംബന്ധിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.