ദു​രി​തവ​ഴി​യി​ല്‍ ര​ണ്ട​ത്താ​ണി

കോ​ട്ട​ക്ക​ല്‍: ആ​റു​വ​രി​പാ​ത​യി​ല്‍നി​ന്ന് ഓ​വു​ചാ​ൽ വ​ഴി മാ​റാ​ക്ക​ര പ​ഞ്ചാ​യ​ത്ത് റോ​ഡി​ലേ​ക്കും വീ​ടു​ക​ളി​ലേ​ക്കും മ​ലി​ന​ജ​ലം ഒ​ഴു​ക്കി​യ​തി​നെ​തി​രെ നാ​ട്ടു​കാ​ര്‍ ഹൈ​കോ​ട​തി​യി​ല്‍ കേ​സ് ഫ​യ​ല്‍ ചെ​യ്ത​തോ​ടെ നി​ർ​മാ​ണ പ്ര​വൃ​ത്തി​ക​ള്‍ അ​തി​വേ​ഗ​ത്തി​ലാ​ക്കി നി​ർ​മാ​ണ​ക്ക​മ്പ​നി. നി​ർ​മാ​ണം നി​ർ​ത്തേ​ണ്ടി വ​രു​മോ​യെ​ന്ന ആ​ശ​ങ്ക​യാ​ണ് ഇ​തി​ന് പി​ന്നി​ലെ​ന്നാ​ണ് ര​ണ്ട​ത്താ​ണി​യി​ലെ നാ​ട്ടു​കാ​ര്‍ പ​റ​യു​ന്ന​ത്.

ദേ​ശീ​യ​പാ​ത ക​ട​ന്നു പോ​കു​ന്ന ര​ണ്ട​ത്താ​ണി​യു​ടെ ഇ​രു​വ​ശ​വും ആ​ഴ​ത്തി​ല്‍ മ​ണ്ണെ​ടു​ക്കു​ന്ന പ്ര​വൃ​ത്തി​ക​ള്‍ പു​രോ​ഗ​മി​ക്കു​ക​യാ​ണ്. നി​ർ​മാ​ണം പൂ​ര്‍ത്തി​യാ​യാ​ല്‍ ന​ഗ​ര​ത്തി​ല്‍നി​ന്നു​ള്ള മു​ഴു​വ​ന്‍ മ​ലി​ന​ജ​ല​വും പ​ഞ്ചാ​യ​ത്തി​ലെ ഒ​ന്നാം വാ​ര്‍ഡി​ന്റെ​യും ഇ​രു​പ​താം വാ​ര്‍ഡി​ന്റെ​യും ഭാ​ഗ​മാ​യ അ​യൂ​ബ് ഖാ​ന്‍ റോ​ഡി​ലേ​ക്കാ​ണ് ഒ​ഴു​കി​യെ​ത്തു​ക. നി​ല​വി​ല്‍ പെ​യ്തി​റ​ങ്ങി​യ മ​ഴ​വെ​ള​ളം ആ​റു​വ​രി പാ​ത​യു​ടെ വി​ക​സ​ന​ത്തി​ന്റെ ഭാ​ഗ​മാ​യി നി​ര്‍മി​ച്ച ഓ​വു​ചാ​ൽ വ​ഴി അ​മ്പ​തോ​ളം കു​ടും​ബ​ങ്ങ​ൾ താ​മ​സി​ക്കു​ന്ന ഭാ​ഗ​ത്തേ​ക്കാ​ണ് ഒ​ഴു​കി​യെ​ത്തി​യി​രു​ന്ന​ത്. കി​ണ​റു​ക​ളി​ലേ​ക്ക​ട​ക്കം മ​ലി​ന​ജ​ല​മെ​ത്തി​യ​തോ​ടെ ദു​രി​ത​ത്തി​ലാ​യ വീ​ട്ടു​കാ​ര്‍ സ്വ​ന്തം വീ​ട്ടി​ലേ​ക്കു​ള്ള വ​ഴി പ​ട​വു​ക​ള്‍ നി​ർ​മി​ച്ച് താ​ൽ​ക്കാ​ലി​ക​മാ​യി അ​ട​ച്ചി​രി​ക്കു​ക​യാ​ണ്. സ​മീ​പ​ത്തെ ക്വാ​ര്‍ട്ടേ​ഴ്‌​സു​ക​ളി​ലേ​ക്കും വെ​ള​ളം ക​യ​റി.

പ​ഞ്ചാ​യ​ത്ത് ആ​സ്തി​യി​ലു​ള്ള റോ​ഡി​ലേ​ക്ക് വെ​ള്ളം ഒ​ഴു​കി വ​രു​ന്ന സാ​ഹ​ച​ര്യ​മാ​യി​ട്ടും പ​ഞ്ചാ​യ​ത്തി​ന്റെ ഭാ​ഗ​ത്തു​നി​ന്ന് ന​ട​പ​ടി ഉ​ണ്ടാ​യി​ല്ലെ​ന്നാ​ണ് നാ​ട്ടു​കാ​രു​ടെ പ​രാ​തി. കേ​സ് ഹൈ​കോ​ട​തി​യി​ലെ​ത്തി​യ ശേ​ഷ​മാ​ണ് ജി​ല്ല ക​ല​ക്ട​ര്‍ വി.​ആ​ര്‍. വി​നോ​ദി​നെ ജ​ന​പ്ര​തി​നി​ധി​ക​ള്‍ സ​ന്ദ​ര്‍ശി​ച്ച​തെ​ന്നാ​ണ് ആ​രോ​പ​ണം. നി​ല​വി​ല്‍ ര​ണ്ട​ത്താ​ണി കീ​റി​മു​റി​ച്ചാ​ണ് ആ​റു​വ​രി​പ്പാ​ത ക​ട​ന്നു​പോ​കു​ന്ന​ത്. പാ​ത മു​റി​ച്ചു ക​ട​ക്കാ​ന്‍ അ​ടി​പ്പാ​ത വേ​ണ​മെ​ന്നാ​വ​ശ്യ​പ്പെ​ട്ടു​ള​ള സ​മ​ര​ങ്ങ​ളി​ൽ ഇ​തു​വ​രെ അ​നു​കൂ​ല തീ​രു​മാ​ന​മാ​യി​ട്ടി​ല്ല. 90 ശ​ത​മാ​നം പ്ര​വൃ​ത്തി​ക​ളും പൂ​ര്‍ത്തി​യാ​യി. വെ​ള​ളം ഒ​ഴു​കി​പ്പോ​കാ​ന്‍ നി​ർ​മി​ച്ച ഓ​വു​ചാ​ൽ വ​ഴി ഇ​രു​വ​ശ​ത്തേ​ക്കും ന​ട​ന്നു പോ​കാ​ന്‍ വെ​ളി​ച്ച​മ​ട​ക്കം താ​ൽ​ക്കാ​ലി​ക സൗ​ക​ര്യ​വും ഒ​രു​ക്കി​യി​രു​ന്നു.

എ​ന്നാ​ല്‍ മ​ഴ ക​ന​ത്ത​തോ​ടെ ഈ ​വ​ഴി ചെ​ളി​യും മ​ണ്ണും നി​റ​ഞ്ഞു. ഇ​തു​വ​ഴി മ​ലി​ന​ജ​ല​വും ഒ​ഴു​കി​ത്തു​ട​ങ്ങി. വി​ഷ​യ​ത്തി​ല്‍ പ്ര​ദേ​ശ​ത്തു​കാ​ര്‍ക്ക് നീ​തി ല​ഭ്യ​മാ​ക്കാ​ൻ യു.​ഡി.​എ​ഫ് ജ​ന​പ്ര​തി​നി​ധി​ക​ളു​ടെ നേ​തൃ​ത്വ​ത്തി​ല്‍ ശ​നി​യാ​ഴ്ച ദേ​ശീ​യ​പാ​ത ക​മ്പ​നി​യു​ടെ ഓ​ഫി​സി​ലേ​ക്ക് മാ​ര്‍ച്ച് ന​ട​ത്തും. പ്ര​ശ്നം ‘മാ​ധ്യ​മം’ വാ​ര്‍ത്ത​യാ​ക്കി​യി​രു​ന്നു.