കാളികാവ്: വീട്ടിൽ പ്രവർത്തിക്കുന്ന സമാന്തര ബാറിൽനിന്ന് ഏഴുലിറ്റർ മദ്യം കണ്ടെടുത്തു. ചോക്കാട് പരുത്തിപ്പെറ്റയിലെ ഏലച്ചോല ശിവദാസൻ എന്ന ഗോപിയെ (29) കാളികാവ് പൊലീസ് അറസ്റ്റ് ചെയ്തു. പൊലീസിന് ലഭിച്ച രഹസ്യവിവരത്തെ തുടർന്നാണ് നടപടി.
എസ്.ഐ അജിത് കുമാറിെൻറ നേതൃത്വത്തിലുള്ള സംഘമാണ് മദ്യം പിടികൂടിയത്. പത്തുവർഷത്തോളമായി ഇവിടെ മദ്യവിൽപന നടന്നിരുന്നതായി പൊലീസ് പറഞ്ഞു. മഫ്ടിയിൽ എത്തിയ സംഘം ആവശ്യക്കാരെന്ന വ്യാജേനയാണ് തൊണ്ടി സഹിതം പ്രതിയെ വലയിലാക്കിയത്.
ചോക്കാടും പരിസരങ്ങളിലും മദ്യവും മയക്കുമരുന്നും വ്യാപകമായി വിൽപന നടത്തുന്നതായി നേരത്തേ പരാതിയുണ്ടായിരുന്നു. പ്രബേഷൻ എസ്.ഐ വിവേക്, എ.എസ്.ഐ ആബിദ്, സി.പി.ഒമാരായ ആഷിഫലി, പ്രിൻസ്, സുനില എന്നിവരാണ് സംഘത്തിലുണ്ടായിരുന്നത്. മഞ്ചേരി കോടതി പ്രതിയെ 29വരെ റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.