Posted On
date_range Updated On
date_range നട്ടെല്ലിന് ക്ഷതമേറ്റ് കിടപ്പിലായവർക്ക് സൗജന്യ മെഡിക്കൽ ക്യാമ്പ്
മലപ്പുറം: കൊണ്ടോട്ടി പുളിക്കൽ എബിലിറ്റി ഫൗണ്ടേഷൻ ഫോർ ദ ഡിസേബ്ൾഡും കോയമ്പത്തൂർ 'സഹായി' സ്പൈനൽ ഇഞ്ചുറീസ് റിഹാബിലിറ്റേഷൻ സെന്‍ററും ചേർന്ന്, നട്ടെല്ലിന് ക്ഷതം സംഭവിച്ച് കിടപ്പിലായവർക്കായി സംഘടിപ്പിക്കുന്ന സൗജന്യ മെഡിക്കൽ ക്യാമ്പ് ജൂലൈ 31ന് പുളിക്കൽ എബിലിറ്റി കാമ്പസിൽ നടക്കുമെന്ന് സംഘാടകർ വാർത്തസമ്മേളനത്തിൽ അറിയിച്ചു. രാവിലെ ഒമ്പതു മുതൽ വൈകീട്ട് നാലുവരെ നടക്കുന്ന ക്യാമ്പിൽ സഹായിയുടെ വിദഗ്ധ ഡോക്ടർമാർ രോഗികളെ പരിശോധിക്കും.
യാത്ര ചെയ്യാൻ കഴിയാത്തവർക്കും ക്യാമ്പിന്‍റെ സേവനം ലഭിക്കും. ഇത്തരം രോഗികളുടെ ബന്ധുക്കളോ മറ്റോ മെഡിക്കൽ റെക്കോഡുകളുമായി ക്യാമ്പിലെത്തണം. രജിസ്റ്റർ ചെയ്യാനുള്ള നമ്പർ: 6235280422, 8943668166. പ്രോഗ്രാം ജനറൽ കൺവീനർ എം. നസീം, കെ. അബ്ദുൽ ലത്തീഫ്, പി.ടി. അബ്ദുൽ വാഹിദ് എന്നിവർ വാർത്തസമ്മേളനത്തിൽ സംബന്ധിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.