കു​ടി​വെ​ള്ള വി​ത​ര​ണം മു​ട​ങ്ങി​യി​ട്ട് 20 ദി​വ​സം; ജ​നം ദുരിതത്തിൽ

ഇ​രി​മ്പി​ളി​യം: കൈ​ത​ക്ക​ട​വി​ൽ സ്ഥി​തി ചെ​യ്യു​ന്ന ഇ​രി​മ്പി​ളി​യം വ​ളാ​ഞ്ചേ​രി ത്വ​രി​ത ഗ്രാ​മീ​ണ കു​ടി​വെ​ള്ള പ​ദ്ധ​തി​യി​ൽ നി​ന്നു​ള്ള കു​ടി​വെ​ള്ള വി​ത​ര​ണം മു​ട​ങ്ങി​യി​ട്ട് 20 ദി​വ​സം പി​ന്നി​ട്ടു. വേ​ന​ൽ ക​ന​ത്ത​തോ​ടെ പൈ​പ്പ് വെ​ള്ളം മാ​ത്രം ആ​ശ്ര​യി​ച്ചു ക​ഴി​യു​ന്ന നി​ര​വ​ധി കു​ടും​ബ​ങ്ങ​ളാ​ണ് ദു​രി​ത​ത്തി​ലാ​യ​ത്. മോ​ട്ടോ​ർ ത​ക​രാ​റി​ലാ​വു​ന്ന​തും വൈ​ദ്യു​തി ത​ക​രാ​റും നി​ത്യ സം​ഭ​വ​മാ​ണ്.

മോ​ട്ടോ​റി​ന്റെ​യും പ്ര​ധാ​ന പൈ​പ്പ് ലൈ​നി​ന്റെ​യും ശേ​ഷി കൂ​ട്ട​ണ​മെ​ന്ന ആ​വ​ശ്യ​വും ജ​ല ല​ഭ്യ​ത ഉ​റ​പ്പാ​ക്കാ​ൻ സ്ഥി​രം ത​ട​യ​ണ നി​ർ​മി​ക്ക​ണ​മെ​ന്നാ​വ​ശ്യ​വും ന​ട​പ്പി​ലാ​ക്കി​യി​ട്ടി​ല്ല. കൂ​ടു​ത​ൽ ക​ണ​ക്ഷ​ൻ ന​ൽ​കി​യ​തും സ്ഥി​ര​മാ​യി പൈ​പ്പ് പൊ​ട്ടു​ന്ന​തി​നും മോ​ട്ടോ​ർ ത​ക​രാ​റി​ലാ​വു​ന്ന​തി​നും ആ​ക്കം കൂ​ട്ടി​യി​ട്ടു​ണ്ട്. മോ​ട്ടോ​ർ ത​ക​രാ​റി​ലാ​കു​മ്പോ​ൾ മാ​റ്റി വെ​ക്കാ​നു​ള്ള മോ​ട്ടോ​ർ തു​രു​മ്പെ​ടു​ത്ത് ന​ശി​ച്ച അ​വ​സ്ഥ​യി​ലാ​ണ്.

വാ​ട്ട​ർ അ​തോ​റി​റ്റി​യു​ടെ അ​നാ​സ്ഥ​യാ​ണ് സ്ഥി​തി രൂ​ക്ഷ​മാ​വാ​ൻ കാ​ര​ണ​മെ​ന്ന് ഇ​രി​മ്പി​ളി​യം പ​ഞ്ചാ​യ​ത്ത്‌ ഭ​ര​ണ സ​മി​തി ആ​രോ​പി​ച്ചു. കു​ടി​വെ​ള്ളം ത​ട​സ​മി​ല്ലാ​തെ ല​ഭ്യ​മാ​ക്കാ​ൻ ന​ട​പ​ടി​യെ​ടു​ക്ക​ണ​മെ​ന്ന ഭ​ര​ണ സ​മി​തി​യു​ടെ ആ​വ​ശ്യം ഇ​ത് വ​രെ വാ​ട്ട​ർ അ​തോ​റി​റ്റി പ​രി​ഹ​രി​ച്ചി​ല്ല. ഇ​തി​നെ​തി​രെ പൊ​തു​ജ​ന പ​ങ്കാ​ളി​ത്ത​തോ​ടെ സ​മ​ര ന​ട​പ​ടി​യി​ലേ​ക്ക് ക​ട​ക്കു​മെ​ന്നും സ്ഥ​ലം സ​ന്ദ​ർ​ശി​ച്ച ഗ്രാ​മ പ​ഞ്ചാ​യ​ത്ത്‌ പ്ര​സി​ഡ​ന്റ്‌ പി.​ടി. ഷ​ഹ​നാ​സ് നേ​തൃ​ത്വ​ത്തി​ലു​ള്ള യു.​ഡി.​എ​ഫ് ജ​ന​പ്ര​തി​നി​ധി​ക​ൾ പ​റ​ഞ്ഞു. ബ്ലോ​ക്ക് പ​ഞ്ചാ​യ​ത്ത് വൈ. ​പ്ര​സി​ഡ​ണ്ട് പി.​സി.​എ. നൂ​ർ, ഗ്രാ​മ പ​ഞ്ചാ​യ​ത്ത്‌ വൈ​സ് പ്ര​സി​ഡ​ന്റ്‌ കെ. ​ഫ​സീ​ല എ​ന്നി​വ​രും ഒ​പ്പ​മു​ണ്ടാ​യി​രു​ന്നു.