യാത്രികനെ കൊണ്ടുപോകാനെത്തിയ ആളും അറസ്റ്റില് കൊണ്ടോട്ടി: കോഴിക്കോട് വിമാനത്താവളത്തില് കസ്റ്റംസിനെ വെട്ടിച്ച് കടത്താന് ശ്രമിച്ച സ്വര്ണവുമായി രണ്ടുപേര് കരിപ്പൂര് പൊലീസിന്റെ പിടിയില്. ഖത്തറില് നിന്നെത്തിയ കോഴിക്കോട് നാദാപുരം സ്വദേശി പാലോട്ട് ഇസ്മയില് (42), ഇയാളെ കൊണ്ടുപോകാനെത്തിയ നന്മണ്ട കാക്കൂര് സ്വദേശി ഇഖ്ബാല് (45) എന്നിവരാണ് അറസ്റ്റിലായത്. വിമാനത്താവളത്തിന് പുറത്തെത്തിച്ച സ്വർണം പൊലീസ് പിന്തുടർന്നാണ് പിടികൂടിയത്. സ്വർണ മിശ്രിതം കാപ്സ്യൂള് രൂപത്തിലാക്കി ശരീരത്തിലായിരുന്നു ഒളിപ്പിച്ചത്. കോഴിക്കോട് സ്വകാര്യ ആശുപത്രിയില് എത്തിച്ച് നടത്തിയ എക്സ്റേ പരിശോധനയില് ഗുളിക രൂപത്തില് ശരീരത്തിനുള്ളില് ഒളിപ്പിച്ച സ്വര്ണം കണ്ടെത്തുകയായിരുന്നു. കരിപ്പൂര് പൊലീസ് ഇന്സ്പെക്ടര് പി. ഷിബുവിന്റെ നേതൃത്വത്തിലുള്ള സംഘം അന്വേഷണം ഊര്ജിതമാക്കി. ഇഖ്ബാൽ എത്തിയ വാഹനവും പിടികൂടി. സ്വര്ണം വേര്തിരിച്ചെടുക്കാനും തുടര് നടപടികള്ക്കുമായി കസ്റ്റംസിന് കൈമാറുമെന്നും ഇന്സ്പെക്ടര് അറിയിച്ചു. എസ്.ഐ അബ്ദുന്നാസര് പട്ടര്കടവന്, സിവില് പൊലീസ് ഓഫിസറായ അനീഷ് തുടങ്ങിയവര് നേതൃത്വം നല്കി. mpg kdy 1 gold 1: കാപ്സ്യൂള് രൂപത്തില് കടത്താന് ശ്രമിച്ച സ്വര്ണം mpg kdy 1 gold 2: ഇസ്മയില് mpg kdy 1 gold 2: ഇഖ്ബാല്
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.