താനൂർ: സംസ്ഥാന സാക്ഷരത മിഷൻ നടപ്പാക്കുന്ന കേന്ദ്രാവിഷ്കൃത സാക്ഷരത പദ്ധതി സാക്ഷരത പരീക്ഷ 'മികവുത്സവം' താനാളൂർ ഗ്രാമ പഞ്ചായത്തിൽ നടന്നു. പഞ്ചായത്ത് തല ഉദ്ഘാടനം മുച്ചിക്കൽ കൂരിപ്പാടം സ്കൂളിൽ ഗ്രാമ പഞ്ചായത്ത് പ്രസിഡന്റ് കെ.എം. മല്ലിക പഠിതാവിന് ചോദ്യപേപ്പർ നൽകി ഉദ്ഘാടനം ചെയ്തു. മുഴുവൻ പഠിതാക്കളെയും പ്രസിഡന്റ് പൂച്ചെണ്ട് നൽകി സ്വീകരിച്ചു. സ്ഥിരംസമിതി അധ്യക്ഷ കെ.വി. സിനി അധ്യക്ഷത വഹിച്ചു. സാക്ഷരത മിഷൻ ജില്ല കോ ഓഡിനേറ്റർ സി. അബ്ദു റഷീദ് മുഖ്യപ്രഭാഷണം നടത്തി. ഗ്രാമ പഞ്ചായത്ത് മുൻ പ്രസിഡന്റ് സി. പ്രഭാകരൻ, അംഗം കെ.വി. സിദ്ദീഖ്, സാക്ഷരത സമിതി അംഗം മുജീബ് താനാളൂർ, കോ ഓഡിനേറ്റർ എ.വി. ജലജ, സി.ഡി.എസ് വൈസ് പ്രസിഡന്റ് പി. സുലൈഖ, പരിശീലകരായ പി.കെ. പ്രിയദർശിനി, കെ.പി. ഷീന എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.