കാവനൂരിൽ ഫർണിച്ചർ ഷെഡ് കത്തിനശിച്ചു കാവനൂർ: കാവനൂർ ഗ്രാമപഞ്ചായത്തിലെ ഇരുവേറ്റിയിൽ ഫർണിച്ചർ ഷെഡ് കത്തിനശിച്ചു. മുല്ലങ്ങൽ അബൂബക്കറിന്റെ ഉടമസ്ഥതയിലുള്ള ഷെഡിനാണ് ചൊവ്വാഴ്ച വൈകീട്ട് അഞ്ചോടെ തീ പിടിച്ചത്. പ്രദേശവാസികളുടെ നേതൃത്വത്തിൽ തീ അണക്കാൻ ശ്രമം നടത്തിയെങ്കിലും പരാജയപ്പെട്ടു. തുടർന്ന് മഞ്ചേരി അഗ്നിരക്ഷ സേന നിലയത്തിലെ ഉദ്യോഗസ്ഥരെത്തിയാണ് തീ പൂർണമായും നിയന്ത്രണ വിധേയമാക്കിയത്. ഉണങ്ങിയ മരങ്ങളായിരുന്നു ഷെഡിൽ ഉണ്ടായിരുന്നത്. ഷോർട്ട് സർക്യൂട്ടാണ് അപകട കാരണമെന്നും ഏകദേശം ഒന്നരലക്ഷം രൂപയുടെ നാശനഷ്ടം ഉണ്ടായതായും അഗ്നിരക്ഷ സേന ഉദ്യോഗസ്ഥർ പറഞ്ഞു. അഗ്നിരക്ഷ സേനക്ക് ഒപ്പം പ്രദേശവാസികളുടെ കൃത്യമായ ഇടപെടലാണ് തീ കൂടുതൽ ഇടങ്ങളിലേക്ക് പടരാതിരിക്കാൻ സഹായിച്ചത്. മഞ്ചേരി ഫയർ ഓഫിസർ പ്രദീപ് പാമ്പലത്തിന്റെ നേതൃത്വത്തിൽ സി. ജംഷാദ്, വി.യു. റുമേഷ്, കെ.സി. കൃഷ്ണകുമാർ, പി. ഇല്യാസ്, സി. ഷൈജു, കെ. അഷ്റഫ്, കെ. അബ്ദുൾസത്താർ, പി. ഗണേഷ് കുമാർ, ജംഷീർ, ആബിദ്, മുഹമ്മദ് തൃപ്പനച്ചി എന്നിവർ ചേർന്നാണ് തീയണച്ചത്. ഫോട്ടോ :തീപിടിത്തത്തിൽ കത്തിനശിച്ച ഫർണിച്ചർ ഷെഡ് ഫോട്ടോ: ME ARKD KAVANUR FIRE 1
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.