സ്ത്രീയെ തട്ടിക്കൊണ്ടുപോയി കൊലപ്പെടുത്തിയ കേസ്: കുറ്റപത്രം സമർപ്പിച്ചു

കോ​ഴി​ക്കോ​ട്: സ്ത്രീ​യെ കാ​റി​ൽ ത​ട്ടി​ക്കൊ​ണ്ടു​പോ​യി സ്വ​ർ​ണാ​ഭ​ര​ണ​ങ്ങ​ൾ ക​വ​ർ​ന്ന് ​കൊ​ല​പ്പെ​ടു​ത്തി മൃ​ത​ദേ​ഹം കൊ​ക്ക​യി​ലെ​റി​ഞ്ഞ കേ​സി​ൽ പൊ​ലീ​സ് കോ​ട​തി​യി​ൽ കു​റ്റ​പ​ത്രം സ​മ​ർ​പ്പി​ച്ചു. കു​റ്റി​ക്കാ​ട്ടൂ​ർ സ്വ​ദേ​ശി സൈ​ന​ബ​യെ കൊ​ല​പ്പെ​ടു​ത്തി​യ കേ​സി​ലാ​ണ് നാ​ലു പ്ര​തി​ക​ൾ​ക്കെ​തി​രെ കു​റ്റ​പ​ത്രം ന​ൽ​കി​യ​ത്. കേ​സി​ൽ ഒ​രാ​ൾ ഇ​നി​യും പി​ടി​യി​ലാ​വാ​നു​ണ്ട്.

ക​ഴി​ഞ്ഞ ന​വം​ബ​റി​ൽ ന​ട​ന്ന കൊ​ല​പാ​ത​ക​ത്തി​ൽ താ​നൂ​ർ കു​ന്നും​പു​റം സ്വ​ദേ​ശി സ​മ​ദ് (52), കൂ​ട്ടാ​ളി ഗൂ​ഡ​ല്ലൂ​ർ പെ​രി​യ ന​ഗ​ർ ഓ​വാ​ലി സ്വ​ദേ​ശി സു​ലൈ​മാ​ൻ (40), സൈ​ന​ബ​യു​ടെ സ്വ​ർ​ണം സ​മ​ദി​ൽ​നി​ന്ന് ത​ട്ടി​യെ​ടു​ത്ത ഗൂ​ഡ​ല്ലൂ​ർ തു​ണ്ട​ത്തി​ൽ സ്വ​ദേ​ശി ശ​ര​ത് (28), വ​യ​നാ​ട് വെ​ള്ളാ​രം​കു​ന്ന് സ്വ​ദേ​ശി നി​യാ​സ് (30) എ​ന്നി​വ​രാ​ണ് അ​റ​സ്റ്റി​ലാ​യ​ത്. ഇ​തി​ൽ സ​മ​ദ്, സു​ലൈ​മാ​ൻ എ​ന്നി​വ​ർ​ക്കെ​തി​രെ കൊ​ല​ക്കു​റ്റ​വും മ​റ്റു ര​ണ്ടു​പേ​ർ​ക്കെ​തി​രെ മോ​ഷ​ണ​മു​ത​ൽ കൈ​വ​ശം സൂ​ക്ഷി​ച്ച കു​റ്റ​വു​മാ​ണ് ചു​മ​ത്തി​യ​ത്. ക​സ​ബ സി.​ഐ​യാ​യി​രു​ന്ന എ​സ്.​ബി. കൈ​ലാ​സ് നാ​ഥാ​ണ് കേ​സ​ന്വേ​ഷി​ച്ച​തെ​ങ്കി​ലും ചെ​മ്മ​ങ്ങാ​ട് ഇ​ൻ​സ്​​പെ​ക്ട​ർ എ​സ്. കി​ര​ണാ​ണ് ആ​യി​ര​ത്തോ​ളം പേ​ജു​ള്ള കു​റ്റ​പ​ത്രം കോ​ട​തി​യി​ൽ സ​മ​ർ​പ്പി​ച്ച​ത്.

സ്ത്രീ​യു​ടെ സ്വ​ർ​ണാ​ഭ​ര​ണം കൊ​ല​യാ​ളി​ക​ളി​ൽ​നി​ന്ന് ത​ട്ടി​യെ​ടു​ത്ത മൂ​ന്നം​ഗ സം​ഘ​ത്തി​ലെ ഒ​രാ​ളാ​യ ഗൂ​ഡ​ല്ലൂ​രി​ലെ സൈ​നു​ൽ ആ​ബി​ദീ​നാ​ണ് ഇ​നി പി​ടി​യി​ലാ​കാ​നു​ള്ള​ത്.

സൈ​ന​ബ​യെ കാ​റി​ൽ ക​ട​ത്തി​ക്കൊ​ണ്ടു​പോ​യ സ​മ​ദും സു​ലൈ​മാ​നും ആ​ദ്യം സ​മ​ദി​ന്റെ വീ​ടി​ന്റെ പ​രി​സ​ര​ത്ത് പോ​വു​ക​യും പി​ന്നീ​ട് അ​രീ​ക്കോ​ട് വ​ഴി കോ​ഴി​ക്കോ​ട്ടേ​ക്ക് മ​ട​ങ്ങ​വെ മു​ക്ക​ത്തി​ന​ടു​ത്തെ​ത്തി​യ​പ്പോ​ൾ കാ​റി​ൽ​വെ​ച്ച് കൊ​ല​പ്പെ​ടു​ത്തു​ക​യു​മാ​യി​രു​ന്നു. ധ​രി​ച്ച ഷാ​ൾ സൈ​ന​ബ​യു​ടെ ക​ഴു​ത്തി​ൽ മു​റു​ക്കി ശ്വാ​സം മു​ട്ടി​ച്ചാ​യി​രു​ന്നു കൊ​ല. തു​ട​ർ​ന്ന് മൃ​ത​ദേ​ഹം നാ​ടു​കാ​ണി ചു​ര​ത്തി​ലെ പോ​പ്സ​ൺ എ​സ്റ്റേ​റ്റി​ന് മു​ന്നി​ലെ താ​ഴ്ച​യി​ലാ​ണ് ത​ള്ളി​യ​ത്.