വെ​ള്ളം നി​ല​ച്ച് വ​ട​ക​ര റെ​യി​ൽ​വേ സ്റ്റേ​ഷ​ൻ; വലഞ്ഞ് യാ​ത്ര​ക്കാ​ർ, ശൗ​ചാ​ല​യം അ​ട​ച്ചു​പൂ​ട്ടി

വ​ട​ക​ര: കൊ​ട്ടി​ഘോ​ഷി​ച്ച് ഉ​ദ്ഘാ​ട​നം കെ​ങ്കേ​മ​മാ​ക്കി​യ വ​ട​ക​ര അ​മൃ​ത് സ്റ്റേ​ഷ​നി​ൽ വെ​ള്ള​മി​ല്ലാ​​തെ യാ​ത്ര​ക്കാ​ർ ദു​രി​ത​ത്തി​ൽ. ര​ണ്ടു​ദി​വ​സ​മാ​യി ഒ​ന്നാം പ്ലാ​റ്റ്ഫോ​മി​ൽ വെ​ള്ളം നി​ല​ച്ചി​ട്ട്. ഇ​തോ​ടെ ഈ ​ഭാ​ഗ​ത്തെ ശൗ​ചാ​ല​യം അ​ട​ച്ചു​പൂ​ട്ടി. വെ​ള്ളി​യാ​ഴ്ച ഉ​ച്ച​യോ​ടെ ര​ണ്ടാം പ്ലാ​റ്റ്ഫോ​മി​ലേ​ക്കു​ള്ള വെ​ള്ള​വും നി​ല​ച്ച​തോ​ടെ റെ​യി​ൽ​വേ സ്റ്റേ​ഷ​​​ന്റെ പ്ര​വ​ർ​ത്ത​നം അ​വ​താ​ള​ത്തി​ലാ​യി. ക​ഴി​ഞ്ഞ ര​ണ്ടു​ദി​വ​സ​മാ​യി കു​ടി​വെ​ള്ള​വും ല​ഭ്യ​മ​ല്ല. കു​ടി​വെ​ള്ള കി​യോ​സ്കു​ക​ളി​ലും വെ​ള്ള​മി​ല്ലാ​ത്ത സാ​ഹ​ച​ര്യ​മാ​ണു​ള്ള​ത്.

റെ​യി​ൽ​വേ സ്റ്റേ​ഷ​നി​ലെ ശു​ചീ​ക​ര​ണ​മു​ൾ​പ്പെ​ടെ നി​ല​വി​ൽ പ്ര​തി​സ​ന്ധി​യി​ലാ​ണ്. യാ​ത്ര​ക്കാ​ർ​ക്കു​ള്ള കാ​ത്തി​രി​പ്പു കേ​ന്ദ്ര​ത്തി​ലും വെ​ള്ള​മി​ല്ലാ​താ​യ​തോ​ടെ ദീ​ർ​ഘ​ദൂ​ര യാ​ത്ര​ക്കാ​ർ ഉ​ൾ​പ്പെ​ടെ ദു​രി​ത​ത്തി​ലാ​ണ്. സ്റ്റേ​ഷ​നി​ൽ വെ​ള്ള​മെ​ത്തി​ക്കു​ന്ന പൈ​പ്പ് ലൈ​നി​ലെ ത​ക​രാ​റാ​ണ് വെ​ള്ളം മു​ട​ങ്ങി​യ​തി​ന് കാ​ര​ണ​മെ​ന്നാ​ണ് അ​ധി​കൃ​ത​ർ പ​റ​യു​ന്ന​ത്. ര​ണ്ടു ദി​വ​സ​മാ​യി​ട്ടും പൈ​പ്പ് ലൈ​നി​ലെ ത​ക​രാ​ർ ക​ണ്ടെ​ത്തി പ​രി​ഹ​രി​ക്കാ​ൻ ക​ഴി​ഞ്ഞി​ട്ടി​ല്ല. അ​മൃ​ത് ഭാ​ര​ത് പ​ദ്ധ​തി​യി​ൽ കോ​ടി​ക​ൾ മു​ട​ക്കി​യാ​ണ് വ​ട​ക​ര റെ​യി​ൽ​വേ സ്റ്റേ​ഷ​ൻ ന​വീ​ക​രി​ച്ച​ത്.