കൊയിലാണ്ടി: കേരളത്തിൽ വിൽപനാനുമതിയില്ലാത്ത പുതുച്ചേരി മദ്യം സ്കൂട്ടറുകളിൽ കടത്തിയ രണ്ടുപേർ അറസ്റ്റിൽ. 35 ലിറ്റർ മദ്യവുമായി തലക്കുളത്തൂർ സ്വദേശി ചന്ദ്രബോസിനെ(59) കൊയിലാണ്ടി എക്സൈസ് പ്രിവന്റിവ് ഓഫിസർ എം. സജീവന്റെ നേതൃത്വത്തിലുള്ള സംഘം ദേശീയപാതയിൽ മൂടാടിക്ക് സമീപത്തുവെച്ചാണ് അറസ്റ്റ് ചെയ്തത്. മദ്യം കടത്താനുപയോഗിച്ച സ്കൂട്ടറും കസ്റ്റഡിയിലെടുത്തു. സിവിൽ എക്സൈസ് ഓഫിസർമാരായ രാകേഷ് ബാബു, ഷൈജു, രതീഷ് എന്നിവരടങ്ങിയ സംഘമാണ് പിടികൂടിയത്.
38 ലിറ്റർ മദ്യവുമായി വന്ന അത്തോളി സ്വദേശി ജിനേഷി (39) നെ റേഞ്ച് എക്സൈസ് ഇൻസ്പെക്ടർ ജി. ബിനു ഗോപാലിന്റെ നേതൃത്വത്തിലുള്ള സംഘം ദേശീയപാതയിൽ ഇരിങ്ങൽ ഓയിൽ മിൽ ജങ്ഷന് സമീപത്തുവെച്ച് അറസ്റ്റ് ചെയ്തു. മദ്യം കടത്താനുപയോഗിച്ച സ്കൂട്ടറും കസ്റ്റഡിയിലെടുത്തു. പ്രിവന്റിവ് ഓഫിസർ എം. സജീവൻ, സിവിൽ എക്സൈസ് ഓഫിസർമാരായ ജി.ആർ. രാകേഷ് ബാബു, കെ.ആർ. സോനേഷ്കുമാർ എന്നിവരടങ്ങിയ സംഘമാണ് പ്രതിയെ പിടികൂടിയത്. രണ്ടുപേരെയും കോടതി റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.