ഗൂഡല്ലൂർ: ഓവാലി പഞ്ചായത്തിലെ വിവിധ ഭാഗങ്ങളിൽ മോഷണം നടത്തിയ യുവാവ് പിടിയിൽ. ബാരം എസ്റ്റേറ്റിലെ രജീഷാണ് (23) അറസ്റ്റിലായത്. എല്ലമല സുഭാഷ് നഗറിലെ വീട്ടിൽ പകൽ സമയത്ത് മോഷണം നടന്ന സംഭവവുമായി ബന്ധപ്പെട്ട് ഗൂഡല്ലൂർ സി.ഐ ശിവകുമാറിെൻറ നേതൃത്വത്തിൽ സ്പെഷൽ ടീം രൂപവത്കരിച്ചിരുന്നു.
വീട്ടുകാർ പുറത്തുപോയ സമയത്താണ് അലമാരയിൽ സൂക്ഷിച്ചിരുന്ന ആഭരണം മോഷ്ടിച്ചത്. ഇതുസംബന്ധിച്ച് ൈക്രം ടീം എസ്.ഐ ശ്രീനിവാസൻ, എസ്.എസ്.ഐ രാജൻ, കോൺസ്റ്റബിൾമാരായ ഇബ്രാഹീം, മുത്തുമുരുകൻ എന്നിവരാണ് പ്രതിയെ പിടികൂടിയത്. കോഴിപ്പാലത്തെ ഒരു യുവാവുമായി ബൈക്കിൽ വന്നാണ് മോഷണം നടത്തിയതെന്ന് രജീഷ് സമ്മതിച്ചു. പ്രതിയിൽനിന്ന് 12 പവൻ ആഭരണം പിടിച്ചെടുത്തു. സഹായിക്കായി തിരച്ചിൽ തുടരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.