കൊയിലാണ്ടിയിൽ ക്ഷേത്രത്തിലും കടകളിലും മോഷണം

കൊയിലാണ്ടി: നഗരത്തിലെ ക്ഷേത്രത്തിലും കടകളിലും മോഷണം നടന്നു. കൊരയങ്ങാട് ക്ഷേത്രം, ഭഗവതി ക്ഷേത്രനടയിലെ ന്യൂ ഇന്ത്യ ഇൻഷൂറൻസ്, പ്രിയ ഓട്ടോ ലിങ്ക് എന്നിവിടങ്ങളിലാണ് കള്ളൻ കയറിയത്. സമീപത്തെ എം.കെ ഓട്ടോ ലിങ്കിൽ മോഷണ ശ്രമം നടന്നു. ശനിയാഴ്ച പുലർച്ചെയായിരുന്നു സംഭവം.

ക്ഷേത്രത്തിലെ കാരണവർ സ്ഥാനത്തെ ഭണ്ഡാരവും, ഭഗവതി ക്ഷേത്രത്തിലെ ഭണ്ഡാരവും പൊളിച്ചിട്ടുണ്ട്. 5000 രൂപയോളം കളവുപോയതായി കരുതുന്നു.

ന്യൂ ഇന്ത്യ ഇൻഷൂറൻസിൽ നിന്ന് രണ്ടു ലാപ്ടോപ്പുകൾ മോഷ്ടിച്ചു. പൊലീസ് സ്ഥലത്തെത്തി വിവരങ്ങൾ ശേഖരിച്ചു.