റോഡിന്റെ ഉയരം അപകട ഭീഷണി ഉയർത്തുന്നു

കൊയിലാണ്ടി: പ്രതലത്തിൽനിന്ന് ഉയർന്നുനിൽക്കുന്ന റോഡ് വശം അപകടഭീഷണി ഉയർത്തുന്നു. ദേശീയപാതയിൽ പലയിടങ്ങളിൽ ഇങ്ങനെ റോഡ് വശം ഉയർന്നു നിൽക്കുന്നുണ്ട്. ഓരോ തവണയും റോഡ് താർ ചെയ്യുന്നതനുസരിച്ച് ഉയരം കൂടും. അതിനനുസരിച്ച് പ്രതലം മണ്ണിട്ട് ഉയർത്തുന്നില്ല.

ഇരുചക്രവാഹനങ്ങൾ വശംചേർന്നു പോകുമ്പോഴും താഴെയിറങ്ങിയശേഷം റോഡിലേക്കു കയറ്റുമ്പോഴും അപകടത്തിൽപെടുന്നു. നിരവധി അപകടങ്ങൾ മേഖലയിൽ നടന്നെങ്കിലും അധികൃതരുടെ ഭാഗത്തുനിന്ന് നടപടികളുണ്ടാകുന്നില്ല. ബസുകളിൽനിന്ന് യാത്രക്കാർ ഇറങ്ങുമ്പോഴും കാൽ തെന്നി അപകടത്തിൽപെടാറുണ്ട്.