കൂടത്തായി കൂട്ടക്കൊല: അസ്സൽ രേഖകൾ പ്രതി കാണിച്ചില്ലെന്ന് അഭിഭാഷകൻ

കോ​ഴി​ക്കോ​ട്: കൂ​ട​ത്താ​യി കൂ​ട്ട​ക്കൊ​ല​യി​ൽ​പെ​ട്ട റോ​യ് തോ​മ​സ് വ​ധ​ക്കേ​സി​ലെ ര​ണ്ടു സാ​ക്ഷി​ക​ളു​ടെ വി​സ്താ​രം ചൊ​വ്വാ​ഴ്ച ന​ട​ന്നു. 2018ൽ ​ജോ​ളി​ക്കു​വേ​ണ്ടി താ​ൻ സി​വി​ൽ കേ​സി​ൽ ഹാ​ജ​രാ​യെ​ന്നും അ​സ്സ​ൽ ഒ​സ്യ​ത്ത് ത​ന്നെ കാ​ണി​ച്ചി​രു​ന്നി​ല്ലെ​ന്നും ഫോ​ട്ടോ​സ്റ്റാ​റ്റ് മാ​ത്ര​മാ​ണ് കാ​ണി​ച്ച​തെ​ന്നും 139ാം സാ​ക്ഷി അ​ഡ്വ. കെ.​ബി. സ​ഹ​സ്ര​നാ​മം മാ​റാ​ട് പ്ര​ത്യേ​ക കോ​ട​തി ജ​ഡ്ജി എ​സ്.​ആ​ർ. ശ്യാം ​ലാ​ൽ മു​മ്പാ​കെ മൊ​ഴി ന​ൽ​കി.

ജോ​ളി​യു​ടെ നി​ർ​ദേ​ശ​പ്ര​കാ​രം താ​ൻ പ​ത്രി​ക ത​യാ​റാ​ക്കി ന​ൽ​കി​യെ​ന്നും പി​ന്നീ​ട് മീ​ഡി​യേ​ഷ​ൻ സെ​ന്റ​റി​ൽ കേ​സ് ഒ​ത്തു​തീ​ർ​പ്പാ​യെ​ന്നും ജോ​ളി പൂ​ർ​ണ​മാ​യി അം​ഗീ​ക​രി​ച്ചാ​ണ് ഒ​ത്തു​തീ​ർ​പ്പ് ക​രാ​റി​ൽ ഒ​പ്പി​ട്ട​തെ​ന്നും അ​ഭി​ഭാ​ഷ​ക​ൻ മൊ​ഴി ന​ൽ​കി.

നേ​ര​ത്തേ പ്രോ​സി​ക്യൂ​ഷ​ൻ വി​സ്താ​രം പൂ​ർ​ത്തി​യാ​യ 21ാം സാ​ക്ഷി കെ​മി​ക്ക​ൽ എ​ക്സാ​മി​ന​ർ രാ​ജ ബെ​ൻ​സി​യു​ടെ എ​തി​ർ വി​സ്താ​ര​വും പൂ​ർ​ത്തി​യാ​യി. പ്ര​തി​ഭാ​ഗം അ​ഭി​ഭാ​ഷ​ക​ൻ അ​ഡ്വ. ബി.​എ. ആ​ളൂ​ർ ആ​വ​ശ്യ​പ്പെ​ട്ട​തി​നാ​ലാ​ണ് നേ​ര​ത്തേ ക്രോ​സ് വി​സ്താ​രം മാ​റ്റി​യി​രു​ന്ന​ത്. തി​രു​വ​ന​ന്ത​പു​രം ചീ​ഫ് കെ​മി​ക്ക​ൽ ലാ​ബി​ൽ​നി​ന്ന് ജോ. ​കെ​മി​ക്ക​ൽ എ​ക്സാ​മി​ന​റാ​യി വി​ര​മി​ച്ച താ​ൻ കോ​ഴി​ക്കോ​ട് റീ​ജ​ന​ൽ ലാ​ബി​ൽ ജോ​ലി ചെ​യ്യ​വെ റോ​യ് തോ​മ​സി​ന്റെ ആ​ന്ത​രി​കാ​വ​യ​വ ഭാ​ഗ​വും മ​റ്റും പ​രി​ശോ​ധി​ച്ചി​രു​ന്നു​വെ​ന്ന് സാ​ക്ഷി മൊ​ഴി ന​ൽ​കി​യി​രു​ന്നു.

ആ​ന്ത​രി​കാ​വ​യ​വ ഭാ​ഗ​ങ്ങ​ൾ രാ​സ​വ​സ്തു​ക്ക​ളി​ൽ സൂ​ക്ഷി​ക്കു​ന്ന​തി​നാ​ൽ കാ​ല​താ​മ​സം ഏ​റെ​യു​ണ്ടാ​യാ​ലും കേ​ട് വ​രി​ല്ലെ​ന്ന് അ​ദ്ദേ​ഹം എ​തി​ർ വി​സ്താ​ര​ത്തി​ൽ മൊ​ഴി ന​ൽ​കി. പ്രോ​സി​ക്യൂ​ഷ​നു​വേ​ണ്ടി സ്പെ​ഷ​ൽ പ​ബ്ലി​ക് പ്രോ​സി​ക്യൂ​ട്ട​ർ എ​ൻ.​കെ. ഉ​ണ്ണി​കൃ​ഷ്ണ​ൻ, അ​ഡീ​ഷ​ന​ൽ സ്പെ​ഷ​ൽ പ്രോ​സി​ക്യൂ​ട്ട​ർ ഇ. ​സു​ഭാ​ഷ് എ​ന്നി​വ​ർ ഹാ​ജ​രാ​യി.