കോഴിക്കോട്: ടി.പി. അരവിന്ദാക്ഷ മേനോൻ മെമ്മോറിയൽ ഓൾ കേരള ഇന്റർ ബാർ ക്രിക്കറ്റ്ടൂർണമെന്റിൽ വടക്കാഞ്ചേരി ബാർ അസോസിയേഷൻ ജേതാക്കളായി. ആതിഥേയരായ കാലിക്കറ്റ് ബാർ അസോസിയേഷനെ രണ്ട് വിക്കറ്റിന് തോൽപിച്ചാണ് വടക്കാഞ്ചേരി കിരീടം നേടിയത്. ആദ്യം ബാറ്റ് ചെയ്ത കാലിക്കറ്റ് 20 ഓവറിൽ 194 റൺസെടുത്തു. 19.2 ഓവറിൽ എട്ട് വിക്കറ്റ് നഷ്ടത്തിൽ വടക്കാഞ്ചേരി ലക്ഷ്യംകണ്ടു. അഫ്സലാണ് മാൻ ഓഫ് ദ സീരീസ്. മന്ത്രി അഹമ്മദ് ദേവർകോവിൽ മുഖ്യാതിഥിയായി. കാലിക്കറ്റ് ബാർ അസോസിയേഷൻ പ്രസിഡന്റ് എം.എസ്. സജി, ജില്ല ജഡ്ജി ടി. മധുസൂദനൻ എന്നിവർ ട്രോഫികളും ഉപഹാരങ്ങളും വിതരണം ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.