കനാൽ ശുചീകരിക്കണം ഉള്ള്യേരി: കുറ്റ്യാടി ജലസേചന പദ്ധതിയുടെ കക്കോടി ബ്രാഞ്ച് കനാലിൽ വെള്ളം തുറന്നുവിടുന്നതിനുമുമ്പ് ശുചീകരണ പ്രവൃത്തി നടത്തണമെന്ന് കനാൽ സംരക്ഷണ സമിതി ആവശ്യപ്പെട്ടു. മുൻ വർഷങ്ങളിൽ തൊഴിലുറപ്പ് പദ്ധതിയിൽ ഉൾപ്പെടുത്തി കനാലിലെ കാടുകളും മറ്റ് അവശിഷ്ടങ്ങളും നീക്കം ചെയ്തതിന് ശേഷമായിരുന്നു വെള്ളം തുറന്നുവിടാറുള്ളത്. ശുചീകരണ പ്രവൃത്തി നടത്താതെ കനാൽ തുറന്നുവിടാനുള്ള അധികൃതരുടെ നീക്കത്തിനെതിരെ യോഗം പ്രതിഷേധിച്ചു. സംരക്ഷണ സമിതി പ്രസിഡന്റ് പി.കെ. സത്യപാലൻ അധ്യക്ഷത വഹിച്ചു. പി.പി. സാജു, ഗോവിന്ദൻകുട്ടി ഉള്ള്യേരി, അഞ്ജലി വേലായുധൻ, കെ.എം. പ്രകാശൻ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.