മുക്കം: പോപുലര് ഫ്രണ്ട് ഓഫ് ഇന്ത്യയുടെ രൂപവത്കരണ ദിനമായ ഫെബ്രുവരി 17ന് മുക്കത്ത് യൂനിറ്റി മാര്ച്ചും ബഹുജന റാലിയും പൊതുസമ്മേളനവും സംഘടിപ്പിക്കുമെന്ന് ഭാരവാഹികൾ വാർത്തസമ്മേളനത്തിൽ അറിയിച്ചു. ദേശവ്യാപകമായി നടക്കുന്ന 'പോപുലര് ഫ്രണ്ട് ഡേ' ആചരണത്തിൻെറ ഭാഗമായി കേരളത്തില് 18 കേന്ദ്രങ്ങളില് നടക്കുന്ന പരിപാടിയുടെ ഭാഗമായാണ് മുക്കത്തും യൂനിറ്റി മാര്ച്ച് സംഘടിപ്പിക്കുന്നത്. വൈകുന്നേരം 4.30ന് മിനി സിവില് സ്റ്റേഷന് പരിസരത്തുനിന്ന് ആരംഭിച്ച് മുക്കം പാലത്തിനു സമീപം സമാപിക്കും. പൊതുസമ്മേളനം ദേശീയ സമിതി അംഗം പ്രഫ. പി. കോയ ഉദ്ഘാടനം ചെയ്യും. പശുവിൻെറയും പ്രണയത്തിൻെറയും പേരിലുള്ള തല്ലിക്കൊല്ലലും ആള് കൂട്ടക്കൊലകളും ഒരുവശത്ത് നടക്കുമ്പോള് ലവ് ജിഹാദ്, ഹലാല് തുടങ്ങിയ പ്രചരണങ്ങളിലൂടെ മുസ്ലിം ക്രൈസ്തവ സമുദായങ്ങളെ തമ്മിലടിപ്പിക്കാനുമാണ് സംഘ്പരിവാര് പണിയെടുക്കുന്നത്. നിര്ഭാഗ്യവശാല് കേരളത്തിലും ഭരണ-പ്രതിപക്ഷ സംവിധാനങ്ങള് സംഘ്പരിവാറിനോട് മൃദുസമീപനം തുടരുകയാണ്. ഈ സാഹചര്യത്തില് മതേതര ഇന്ത്യയുടെ വീണ്ടെടുപ്പിന് എല്ലാവരും ഒന്നിക്കണമെന്ന സന്ദേശം ഉയര്ത്തിക്കൊണ്ടാണ് യൂനിറ്റി മാര്െച്ചന്നും നേതാക്കള് പറഞ്ഞു. വാര്ത്തസമ്മേളനത്തില് പോപുലര് ഫ്രണ്ട് കോഴിക്കോട് ജില്ലാ സെക്രട്ടറി സജീര് മാത്തോട്ടം, എം.സി. സക്കീര്, ടി.പി. നാസര്, എന്.കെ. അബ്ദുറഹിമാന് എന്നിവര് പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.