കോഴിക്കോട്: കൊണ്ടോട്ടിയിലെ മഹാകവി മോയിൻകുട്ടി വൈദ്യർ മാപ്പിള കലാ അക്കാദമി നാദാപുരം ഉപകേന്ദ്രത്തിൻെറ കെട്ടിടോദ്ഘാടനം ഫെബ്രുവരി പത്തിന് നടക്കുമെന്ന് ഭാരവാഹികൾ വാർത്തസമ്മേളനത്തിൽ അറിയിച്ചു. വൈകീട്ട് 4.30ന് സാംസ്കാരിക മന്ത്രി എ.കെ. ബാലനാണ് ഓൺലൈനായി ഉദ്ഘാടനം നിർവഹിക്കുക. 2018 ഫെബ്രുവരി11ന് ഉദ്ഘാടനം ചെയ്ത കേന്ദ്രത്തിന് നഗര മധ്യത്തിൽ നാട്ടുകാർ വിട്ടുനൽകിയ 20 സൻെറ് സ്ഥലത്ത് ഒരുകോടി രൂപ ചെലവിലാണ് കെട്ടിടം നിർമിച്ചത്. മാപ്പിളപ്പാട്ട് കോഴ്സ്, മാപ്പിള കലാപരിശീലനം, സാംസ്കാരിക പരിപാടികൾ എന്നിവ കേന്ദ്രത്തിൽ നടക്കും. ടി.വി. ഇബ്രാഹീം എം.എൽ.എയുടെ ആസ്തി വികസന ഫണ്ടിൽനിന്ന് അനുവദിച്ച നാല് ക്ലാസ്മുറികളടങ്ങിയ മാപ്പിള പഠന കേന്ദ്രത്തിൻെറ ഉദ്ഘാടനം അക്കാദമി അങ്കണത്തിൽ ഫെബ്രുവരി 14ന് വൈകീട്ട് 3.30ന് നടക്കും. സ്കൂൾ ഓഫ് മാപ്പിള ആർട്സിൻെറ ആദ്യശാഖ എരഞ്ഞോളി മാപ്പിളപ്പാട്ട് ഗവേഷണ കേന്ദ്രത്തിൻെറ ആഭിമുഖ്യത്തിൽ തിരുവനന്തപുരം തോട്ടക്കാട് കടുവയിൽ തങ്ങൾ ചാരിറ്റബ്ൾ ട്രസ്റ്റ് ഹയർസെക്കൻഡറി സ്കൂൾ കേന്ദ്രമാക്കി 28ന് ആരംഭിക്കും. ഈരാറ്റുപേട്ട, പെരുമ്പാവൂർ എന്നിവിടങ്ങളിലും ശാഖകൾ ആരംഭിക്കും. അക്കാദമി സെക്രട്ടറി റസാഖ് പയേമ്പ്രാട്ട് ഇൻഫർമേഷൻ ആൻഡ് പബ്ലിക് റിലേഷൻ വകുപ്പ് ഡെപ്യൂട്ടി ഡയറക്ടർ ഖാദർ പാലാഴി, കാനേഷ് പൂനൂർ എന്നിവർ വാർത്തസമ്മേളനത്തിൽ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.