കോഴിക്കോട്: ഹൈസ്‌കൂൾ-ഹയർ സെക്കൻഡറി വിദ്യാർഥികൾക്കായുള്ള ടൈ യങ് എൻറർപ്രണേഴ്‌സ് ബിസിനസ് പ്ലാൻ അന്താരാഷ്ട്ര മത്സരത്തിൽ ടൈ കേരളയെ പ്രതിനിധാനംചെയ്ത് കോഴിക്കോട് നടക്കാവ് ഗവൺമൻെറ് ഗേൾസ് ഹയർ സെക്കൻഡറി സ്കൂൾ ഫൈനലിലെത്തി. ലോകമെമ്പാടുമുള്ള 23 ടീമുകളിൽനിന്ന് എട്ടു ടീമുകളാണ് ഫൈനലിലേക്ക് യോഗ്യത നേടിയത്. കൊറോണ പ്രതിസന്ധിമൂലം യാത്ര റദ്ദ് ചെയ്യപ്പെട്ട ടീം അമേരിക്കയിലെ സിയാറ്റിലിൽ നടന്ന മത്സരത്തിൽ ഓൺലൈൻ വഴിയാണ് പങ്കെടുത്തത്. ലോകമെമ്പാടുമുള്ള വിദ്യാർഥികൾക്ക് സംവദിക്കാനായി "വേൾഡ് ക്ലാസ്" എന്ന പേരിൽ രൂപകൽപന ചെയ്ത ആപ് ആണ് റഹ്മ സുഹൈർ, റാണ ഫാത്തിമ, ഷിയാന മക്സൂദ് , അർച്ചന അരുൺ, അഞ്ജന അരുൺ എന്നിവരുൾപ്പെടുന്ന അഞ്ചംഗ ടീമിനെ ഫൈനലിൽ എത്തിച്ചത്. ആദ്യമായാണ് ഒരു സർക്കാർ സ്കൂൾ ടൈ ഗ്ലോബൽ ഫൈനൽ മത്സത്തിൽ പങ്കെടുക്കുന്നത്. ഒമ്പതു മുതൽ 17 വരെ ഗ്രേഡുകളിലെ വിദ്യാർഥികൾക്കായി ക്ലാസ് റൂം സെഷനുകൾ, മൻെററിങ്, ബിസിനസ്-പ്ലാൻ മത്സരം എന്നിവ സംയോജിപ്പിച്ച് സംരംഭകത്വം, നേതൃപരമായ കഴിവുകൾ എന്നിവ പഠിപ്പിക്കുന്നതിനും അവരെ സംരംഭകരായും ഭാവി നേതാക്കളായും വളർത്തിയെടുക്കുന്നതിനുമായി രൂപകൽപന ചെയ്ത ആഗോള സംരംഭമാണ് ടൈ. കെഫ് ഹോൾഡിങ്‌സിൻെറ സാമൂഹിക സേവന വിഭാഗമായ ഫൈസൽ ആൻഡ് ശബാന ഫൗണ്ടേഷൻ പിന്തുണക്കുന്ന സ്കൂളാണ് ഇന്ത്യയിലെ രണ്ടാമത്തെ മികച്ച സർക്കാർ വിദ്യാലയം എന്ന ബഹുമതി നേടിയ നടക്കാവ് ഗവൺമൻെറ് എച്ച്.എസ്.എസ്. PHOTO Nadakkav School team ടൈ യങ് എൻറർപ്രണേഴ്‌സ് ബിസിനസ് പ്ലാൻ അന്താരാഷ്ട്ര മത്സരത്തിൽ ടൈ കേരളയെ പ്രതിനിധാനം ചെയ്ത് ഫൈനലിലെത്തിയ കോഴിക്കോട് നടക്കാവ് ഗവൺമൻെറ് ഗേൾസ് ഹയർ സെക്കൻഡറി സ്കൂൾ ടീം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.