തിരുവമ്പാടി: മുസ്ലിം ലീഗ് സംസ്ഥാന പ്രസിഡൻറ് പാണക്കാട് ഹൈദരലി ശിഹാബ് തങ്ങളെ സമൂഹമാധ്യമങ്ങളിൽ അപകീർത്തിപ്പെടുത്തിയ സംഭവത്തിൽ നടപടി സ്വീകരിക്കണമെന്നാവശ്യപ്പെട്ട് പരാതി. മുസ്ലിം ലീഗ് തിരുവമ്പാടി പഞ്ചായത്ത് കമ്മിറ്റിയാണ് തിരുവമ്പാടി പൊലീസിൽ പരാതി നൽകിയത്. പഞ്ചായത്തിലെ പുന്നക്കൽ സ്വദേശി അമീറലിക്കെതിരെയാണ് പഞ്ചായത്ത് മുസ്ലിം ലീഗ് പ്രസിഡൻറ് വില്ലൻ മുസ്തഫ കമാലും ജനറൽ സെക്രട്ടറി കോയ പുതുവയലും പരാതി നൽകിയത്. അമീറലിയുടെ ഫേസ്ബുക്ക് അക്കൗണ്ടിൽ മുസ്ലിം ലീഗ് സംസ്ഥാന പ്രസിഡൻറ് പാണക്കാട് ഹൈദരലി ശിഹാബ് തങ്ങൾ സ്വർണക്കടത്ത് കേസിലെ പ്രതി സ്വപ്ന സുരേഷിനൊപ്പം നിൽക്കുന്നു എന്ന പേരിൽ വ്യാജ ഫോട്ടോ പോസ്റ്റ് ചെയ്തത് ഹൈദരലി തങ്ങളെയും പാർട്ടിയെയും അപകീർത്തിപ്പെടുത്തുന്നതായാണ് പരാതി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.