സ്കൂൾ വാഹനം അപകടത്തിൽപെട്ടു

ബാലുശ്ശേരി: പറമ്പിൻ മുകളിൽ പാറക്കുളത്തിനടുത്ത് സ്കൂൾ വിദ്യാർഥികളെ കൊണ്ടുപോകുകയായിരുന്ന വാഹനം അപകടത്തിൽപെട്ടു. രാവിലെ ബാലുശ്ശേരി ജയ്റാണി പബ്ലിക് സ്കൂളിലേക്ക് പോകുകയായിരുന്ന ടവേര ജീപ് ഓട്ടോറിക്ഷയിലും സ്കൂട്ടറിലും തട്ടിയാണ് അപകടത്തിൽപെട്ടത്. വാഹനത്തിന്റെ മുൻവശത്തെ ടയർ ഇളകിയ മണ്ണിൽ പൂഴ്ന്നു നിന്നതിനാൽ വൻ അപകടം ഒഴിവായി. വാഹനത്തിലുണ്ടായിരുന്ന കുട്ടികൾ തലനാരിഴക്കാണ് രക്ഷപ്പെട്ടത്. പെട്ടെന്ന് ബ്രേക്ക് ചെയ്തപ്പോൾ നിയന്ത്രണം നഷ്ടപ്പെടുകയായിരുന്നു. നാട്ടുകാരും ഹൈവേ പൊലീസും ചരിഞ്ഞു നിൽക്കുന്ന വാഹനത്തിൽനിന്ന് കുട്ടികളെ സുരക്ഷിതമായി പുറത്തെത്തിച്ചു. ആർക്കും പരിക്കില്ല. ------------ Photo: പറമ്പിൻ മുകളിൽ അപകടത്തിൽപെട്ട സ്കൂൾ വാഹനം