പന്തീരാങ്കാവ്: പെരുമണ്ണ ഗ്രാമപഞ്ചായത്ത് ബസ് സ്റ്റാൻഡിൽ പ്രവൃത്തി പൂർത്തീകരിച്ച കൊളാട്ടിൽ മാധവൻ മാസ്റ്റർ സ്മാരക ബസ് ടെർമിനൽ മന്ത്രി പി.എ. മുഹമ്മദ് റിയാസ് ഉദ്ഘാടനം ചെയ്തു. ഹൈമാസ്റ്റ് ലൈറ്റിന്റെ സ്വിച്ച് ഓൺ കർമവും ലൈഫ് പദ്ധതിയിൽ പൂർത്തീകരിച്ച ഭവനങ്ങളുടെ താക്കോൽദാനവും മന്ത്രി നിർവഹിച്ചു. പി.ടി.എ. റഹീം എം.എൽ.എ അധ്യക്ഷത വഹിച്ചു. സംസ്കാരിക നിലയം സ്ഥാപിക്കുന്നതിന് തെക്കേടത്ത് അശോകനും സഹോദരങ്ങളും ചേർന്ന് ഗ്രാമപഞ്ചായത്തിന് വിട്ടുനൽകിയ മൂന്നു സെന്റ് സ്ഥലത്തിന്റെ രേഖ മന്ത്രിക്ക് കൈമാറി. പെരുമണ്ണ ഗ്രാമപഞ്ചായത്ത് വൈസ് പ്രസിഡന്റ് സി. ഉഷ, രാജീവ് പെരുമൺപുറ, കെ. പ്രേമദാസൻ, ദീപ കാമ്പുറത്ത്, എം.എ. പ്രതീഷ്, കെ. അജിത, ശ്യാമള പറശ്ശേരി, ടി. നിസാർ, കെ. അബിജേഷ്, എം.എ. പ്രഭാകരൻ, കെ. അബ്ദുറഹിമാൻ, സി. സുന്ദരൻ, കെ. നിത്യാനന്ദൻ, അലിഫ് നിസാം, പുതിയേടത്ത് മുഹമ്മദ്, കെ.കെ. സലീം എന്നിവർ സംസാരിച്ചു. ഗ്രാമപഞ്ചായത്ത് പ്രസിഡന്റ് ഷാജി പുത്തലത്ത് സ്വാഗതവും സെക്രട്ടറി എൻ.ആർ. രാധിക നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.